HEX កំពូលភាពយន្តបរទេសថតនៅកម្ពុជា

ខ្សែភាពយន្តរន្ធត់ព្រឺព្រួចកំពុងតែពេញនិយមក្នុងស្រទាប់ទស្សនិកជនរាប់លានអ្នក ក៏ដូចជានៅកម្ពុជាដែរ ដែលនិយមទស្សនៈភាពយន្តរបៀបនេះ។ HEX ជាខ្សែភាពយន្តបែបរន្ធត់ព្រឺព្រួច ដែលជ្រើសរើសទីតាំងថតនៅប្រទេសកម្ពុជា។ រឿង “Hex” (ឆ្នាំ 2018) គឺជាខ្សែភាពយន្តរន្ធត់ថ្មីមួយដែលបានបង្កើតឡើងដោយផលិតករឯករាជ្យម្នាក់់លោក Rudolf Buitendach ដែលជាអ្នកដឹកនាំរឿង ជនជាតិអាហ្វ្រិកខាងត្បូងនិងធ្លាប់ជោគជ័យជាមួយភាពយន្តរបស់គាត់មានចំណងជើងថា Dark Hearts ក្នុងឆ្នាំ 2012 ដែលត្រូវបានជ្រើសរើសជាខ្សែភាពយន្តអន្តរជាតិល្អបំផុតនៅ Raindance Film ។ ការប្រឹងប្រែងចុងក្រោយរបស់លោក Buitendach បានរួមទស្សនានៅមហោស្រពភាពយន្ត Raindance ទីក្រុងឡុងប្រទេសអង់គ្លេសហើយគាត់បានជួបជាមួយអ្នកសរសេររឿង “Dark Hearts” លោក Christian Piers Betley  ជាមួយគ្នានេះដែរអ្នកទាំងពីរបានរៀបចំខ្សែភាពយន្តតូចមួយដែលគួរឱ្យចាប់អារម្មណ៍​ ក្នុងបទដ្ឋានភាពយន្តគួរឱ្យរន្ធត់ ព្រឺព្រួចនិងជ្រើសរើសថតនៅលើទីតាំងក្នុងប្រទេសកម្ពុជាតែម្តង និងមានគំរោងក្នុងការចាក់ផ្សាយនៅថ្ងៃទី ២៧ កញ្ញា ២០១៨ ខាងមុខនេះ។ តាមរយៈការបង្កើតរឿងរ៉ាវនៅតំបន់រមណីយដ្ឋានឆ្នេរសមុទ្រនៃប្រទេសកម្ពុជានិងថតនៅតាមតំបន់ដែលត្រូវបានជ្រើសរើសយ៉ាងល្អបំផុតដែលមានប្រវត្តិនៃការបង្ហូរឈាម និងជាភាពយន្តដែលចំណាយទៅលើការបង្កើតជីវចល(3D) អោយមានលក្ខណៈសម្បូរបែបនិងមានភាពរស់រវើក។ក្នុងភាពយន្តនេះដែរក៏មានការចូលរួមពីតារាភាពយន្តកម្ពុជាជាច្រើនរូបដូចជា អ្នកនាង ស្វែង សុជាតា និងលោក ស៊ីសុវត្តិ សេរីវុឌ្ឍ ជាដើម។ ខ្សែភាពយន្តនេះផ្តោតលើលោកបិនដែលជាជនជាតិអាមេរិកវ័យក្មេងម្នាក់កំពុងសម្រាកនៅប្រទេសកម្ពុជាជាមួយបងប្រុសដានីយ៉ែល។ បិន បានជួបវិស្សមកាលដ៏គ្រោះថ្នាក់ដែលកើតពីមិត្តស្រីរបស់គាត់។ មិនយូរប៉ុន្មានអាថ៌កំបាំងនៃអតីតកាលរបស់ Amber (មិត្តស្រី បិន) បានត្រឡប់ចូលមកនាង ឥរិយាបថចម្លែករបស់នាងបានវាយប្រហារ បង្កហិង្សាជាបន្តបន្ទាប់លើលោកបិន។ ផ្លូវងងឹតដែលលាយលំនិងអាថ៌កំបាំង បង្ខំឱ្យគូស្នេហ៍មួយនេះប្រឈមមុខនឹងការគួរឱ្យរន្ធត់នៃបណ្តាសាបុរាណ។
សូមទស្សនាវីដេអូខាងក្រោម