ក្រោយពីការចាកចេញរបស់កំពូលតារាភាពយន្ត និងជាអតីតអភិបាលរដ្ឋ កាលីហ្វនីញ៉ាលោក Arnold Schwarzenegger (អាណុល) មក អ្នកកីឡារកាសដ៏មានប្រជាប្រិយមួយរូបក៏ចាប់យកដំណែងជាកំពូលតារាភាពយន្តសាច់ដុំ គឺលោក Dwayne “The Rock” Douglas Johnson។ អ្នកចំបាប់អាជីពនិងតារាសម្តែង Dwayne “The Rock” លោក Douglas Johnson បានកើតនៅថ្ងៃទី 2 ខែឧសភាឆ្នាំ 1972 នៅ Hayward រដ្ឋ California បច្ចុប្បន្នគាត់មានអាយុ ៤៦។ ចនសុន គឺជាចៅប្រុសរបស់អ្នកកីឡារកាសអាជីពឈ្មោះ Peter “ប្រធានជាន់ខ្ពស់” Fanene Maivia និងកូនប្រុសអ្នកកីឡារកាសRocky Johnson ហើយកុមារា ចនសុន បានធំឡើងមើលឪពុករបស់គាត់សម្តែងក្នុងសង្វៀន។ ដោយគ្មានផែនការដើរតាមគន្លងរបស់ឪពុក ចនសុនបានលេងបាល់អោបនៅសាកលវិទ្យាល័យមីយ៉ាម៉ាដោយបង្ហាញពីការសន្យាជាមួយនឹងទំហំនិងអត្តពលិករបស់គាត់រហូតទាល់តែត្រូវបានបញ្ឍប់ដោយសាររបួស។ ការរងរបួសបានបញ្ចប់អាជីពបាល់អោបនៅមហាវិទ្យាល័យរបស់គាត់ដូច្នេះគាត់បានចូលក្នុងសង្វៀនជាមួយសហព័ន្ធកីឡាចំបាប់(កីឡារកាស)។ ក្នុងនាមជា “The Rock” គាត់មានកិត្តិនាមនិងល្បីល្បាញជាមួយអ្នកកីឡារកាស Steve Austin ហើយបានឈ្នះពានរង្វាន់ WWF / WWE Heavyweight ជាច្រើនដង។ បន្ទាប់មក ចនសុន បានបង្វែពីកេរ្តិ៍ឈ្មោះកីឡារកាស របស់គាត់ចូលទៅក្នុងអាជីពភាពយន្តដូចជារឿង The Mummy Returns និង Tooth Fairy ក្នុងឆ្នាំ 2010 រួមទាំងកំពូលខ្សែភាពយន្តល្បីៗ The Fate of the Furious, Baywatch និង Jumanji ជាដើម។ ចនសុន (Rock) បានរៀបការជាមួយ កញ្ញា Dany Garcia ដែលសង្សាររបស់គាត់តាំងពីរៀននៅសកលវិទ្យាល័យ ក្នុងឆ្នាំ១៩៩៧ ហើយអ្នកទាំងពីរ ក៏មានកូនស្រីមា្នក់ឈ្មោះ Simone Alexandra ក្រោយមកពួកគេទាំងពីរនាក់ក៏បានចែកផ្លូវគ្នាតែគ្រួសារមួយនេះនៅតែស្ថិតក្រោមបន្ទុករបស់ចនសុនដដែល។ ចាប់តាំងពីពេលនោះមកចនសុនបានចាប់ផ្តើមទំនាក់ទំនងស្នេហាជាមួយតន្ត្រីករ Lauren Hashian ហើយគាត់មានកូនស្រីម្នាក់ទៀតឈ្មោះ Jasmine Lia នៅក្នុងខែធ្នូឆ្នាំ 2015. នៅខែមេសាឆ្នាំ 2018 គូស្នេហ៍នេះបានស្វាគមន៍កូនស្រីទី 2 របស់ពួកគេគឺ Tiana Gia ។
Dwayne Johnson (Rock) បានប្រឡូកចូលវិស័យផលិតកម្មភាពយន្តក្នុងឆ្នាំ ១៩៩៩ នៅក្នុងរឿង Beyond The Mat ដែលផលិតដោយក្រុមហ៊ុន Imagine Entertainment សហការជាមួយ Lions Gate Film និងចែកចាយដោយក្រុមហ៊ុន Universal Picture. សរុបមក Dwayne Johnson (Rock) បានសម្តែងភាពយន្តបានចំនួន ៤៤រឿង បើគិតត្រឹមឆ្នាំ ២០១៨នេះ។ ហើយខ្សែភាពយន្តដែលបានដាក់បញ្ចាំងចុងក្រោយនោះគឺ រឿង Skyscaper ។ ហើយសម្រាប់ឆ្នាំ២០១៩ ខាងមុខនេះ Dwayne Johnson (Rock) បានចូលរួមសម្តែងខ្សែភាពយន្តចំនួន ៦រឿងទៀត គឺរឿង Fighting with my Family, Shazam(1-2), Hobbs and shaw និង Jungle Cruise ។
កំពូលខ្សែភាពយន្តដែលរកចំណូលបានច្រើនបំផុតរបស់លោក Dwayne Johnson (Rock) មានដូចជា៖
– The Fate of Furious ចំណូលបាន ១២៣៩ លានដុល្លា
– Jumanji ចំណូលបាន ៩៦២.១ លានដុល្លា ៕
