លី លីន​ ពីគ្រូបង្រៀនភាសាអង់គ្លេស ក្លាយជា​តារាចម្រៀងប្រចាំផលិតកម្ម K

តារាចម្រៀងប្រចាំផលិតកម្ម K លោក លី លីន បានបញ្ជាក់ថា មុននឹងលោកក្លាយជាតារាចម្រៀងក្នុងផលិតកម្មខាងលើ លោក​ជាបេក្ខជន​ដែលធ្លាប់ឆ្លងកាត់ កម្មវិធីប្រឡង The Voice Cambodia រដូវកាលទី​១ ឆ្លងត្រឹមវគ្គ Blind Audition ហើយក៏ជា​គ្រូបង្រៀន​ភាសាអង់គ្លេសនៅ ស្រុកកោះសូទិន ខេត្តកំពង់ចាម ។​

បង្ហាញវត្តមានក្នុងកម្មវិធី OBN MUSic របស់ Page OBN ASIA លោកលី លីន បានថ្លែងប្រាប់ថា លោកធ្លាប់ឆ្លងកាត់ការប្រឡង​កម្មវិធីតន្ត្រីធំៗ The Voice Cambodia រដូវកាលទី​១ លោក​ជាតន្ត្រីករ​ច្រៀងតាមភូមិ និងលោកជាគ្រូបង្រៀនភាសាអង់គ្លេសផងដែរ តែ​បច្ចុប្បន្ននេះលោក ជា​តារាចម្រៀង​ជាប់កុងត្រា​ជាមួយផលិតកម្ម K ដោយបានបញ្ចេញបទចម្រៀងជាច្រើនបទ​ ។​

បទចម្រៀង​ដែលលោកបានចេញទៅកាន់ទីផ្សារដើម្បីច្បាមយកនូវភាពល្បីនោះ មានបទ «កុំធ្វើបាបខ្លួនឯងព្រោះប្រុសសាវ៉ា» បទ«បណ្តាំឪពុក» និងជាច្រើនទៀតផងដែរ ។ ក្រៅពីបទទាំងនេះលោក​ លី លីន បានបញ្ជាក់ជំហរថា នៅពេលខាងមុខនេះលោកក៏បានត្រៀមបញ្ចេញនូវបទចម្រៀង ស្នាដៃកូនខ្មែរ មិនចម្លងគេ​ក្នុងពេលឆាប់ៗក្នុងផលិតកម្ម K។​

លោក លី លីន ដែលជាកូនគ្រូពេទ្យតាមភូមិ និងម្តាយជាអ្នក​លក់ដូរ បានបង្ហាញមហិច្ឆិតា​ធំបន្តថា អ្វីដែលលោកចង់ឃើញនោះ គឺការដុសខាត់សំឡេង ខ្លួន វិវត្តន៍ទៅរកភាពល្បីល្បាញ នៅលើឆាក​តន្ត្រី នេះគឺជាគោលបំណងធំបំផុត ក្នុងឆាកជីវិត​ ៕

លោក លី លីន បង្ហាញវត្តមានលើឆាក The Voice Cambodia ៖

លោក លីលីន បង្ហាញវត្តមានជាមួយកម្មវិធី OBN Music ៖