ភ្នំពេញ៖ ក្រោយពីក្រសួងបានកំណត់មិនឲ្យបង្ហាញខ្លួនក្នុងវិថីសិល្បៈ ០១ឆ្នាំនោះ សេង សូណា បានលើកឡើងថាគ្មានខ្លាចអ្វីចូលទៅជួបក្រសួងនោះទេព្រោះថាខ្ញុំគ្មានខុសអ្វីនោះទេ បើក្រសួងហៅគឺទៅ។
ថ្លែងប្រាប់អ្នកយកព័ត៌មាន Obnasia កញ្ញា សេង សូណា ថាប៉ុន្មានថ្ងៃមកនេះ ខ្ញុំដេកឈឺដោយមិនបានឃើញអ្វីទាំងអស់ ហើយអ្វីដែលបងសួរនេះ ខ្ញុំពិតជាភ្ញាក់ផ្អើល ព្រោះថាខ្ញុំខានបង្ហាញខ្លួនក្នុងវិថីសិល្បៈជិត១ឆ្នាំហើយ ដោយរវល់មមារញឹកក្នុងការរកស៊ី និងថែទាំងសុខភាព គ្មានពេលទៅគិតរឿងទាំងនោះទេ។
នៅពេលដែលអ្នកសារព័ត៌មានយើងចាក់សួរថា តើអូនបន្តនឹងបង្ហាញភាពសិចស៊ីទៀតឬយ៉ាងណា ? កញ្ញា សេង សូណា បានលើកឡើងថា ខ្ញុំបានឈប់យូរហើយ ឥលូវគិតតែរឿងរកស៊ី មិនដែលនៅថតអីទៀតណា ដោយឈប់ចូលជិត១ឆ្នាំជាងទៅហើយ។ មិនបានប៉ុន្មានផង គេឃើញ សេង សូណាបានបង្ហោះ វីដេអូសិចស៊ីចាស់របស់ខ្លួននៅលើហ្វេសប៊ុក នៅល្ងាចថ្ងៃទី២៣ ខែសីហា ឆ្នាំ២០១៨ ហើយការបង្ហោះនោះយើងមិនដឹងថានាងមានគោលបំណង អ្វីឲ្យប្រាកដនោះទេ៕
