ថៃ៖ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី១៤ ខែតុលា ឆ្នាំ២០២១កន្លងទៅ បានអោយដឹងប្រទេសមានគម្រោងចំណាយលុយ ២០០លានបាត ដើម្បីអញ្ជើញតារាចម្រៀងកូនថៃ Lisa នៅក្នុងក្រុម Blackpink និងអ្នកចម្រៀងអ៊ូប៉េរ៉ា លោក Andrea Bocelli ដើម្បីចូលរួមរាប់ថយក្រោយឆ្នាំថ្មីនៅភូកេតនិងបាងកកដើម្បីជួយលើកស្ទួយវិស័យទេសចរណ៍។
រដ្ឋមន្ត្រីក្រសួងទេសចរណ៍និងកីឡាលោក Phiphat Ratchakitprakarn បានប្រាប់កម្មវិធីព័ត៌មាន Inside Thailand នៅថ្ងៃព្រហស្បតិ៍នេះថាទីភ្នាក់ងារថៃមួយបានដើរតួជាអ្នកសម្របសម្រួលសម្រាប់ការបង្ហាញខ្លួនរបស់សិល្បករទាំងពីររូបនេះ។
គាត់មិនបានបង្ហាញអំពីកញ្ចប់ថវិកានោះទេ ប៉ុន្តែគាត់បានបញ្ជាក់ថាតម្លៃខ្លួនរបស់លោក Bocelli គឺវាខ្ពស់ណាស់។
ប្រសិនជាការចចារបានជោគជ័យ លោក Phiphat បានបញ្ជាក់ថា Lisa និងចូលរួមកម្មវិធីរាប់ថយក្រោយនៅភូកេត។ ខណៈលោក Bocelli នឹងបង្ហាញខ្លួននៅទីក្រុងបាងកក៕
ប្រភព៖ Bangkok Post
