ភ្នំពេញ៖ ជំងឺស្អិតស្បូនជាមូលហេតុធ្វើអោយស្ត្រីមានវិបត្តិគ្មានកូន មានរដូវមិនទៀងទាត់ និងឈាមរដូវតិច ដែលបណ្តាលមកពីភ្នាសក្នុងស្បូនស្អិតជាប់គ្នាស្ទើរតែទាំងអស់។
ក) មូលហេតុ៖
– ជំងឺនេះកើតមកពីការរលាកភ្នាសក្នុងស្បូនរ៉ាំរ៉ៃ (Endometritis)
– ស្ត្រីធ្លាប់ធ្វើការរំលូតកូនជាញឹកញាប់ (Frequency abortion)
– ស្ត្រីមានរលាកអាងត្រគាក (Pelvic inflammatory)
![May be an image of 3 people, slow loris, hospital and text](https://scontent.fpnh19-1.fna.fbcdn.net/v/t39.30808-6/441512985_462485589614349_8612066104382971628_n.jpg?_nc_cat=104&ccb=1-7&_nc_sid=5f2048&_nc_ohc=5PmbKykHOHcQ7kNvgEGAPMl&_nc_ht=scontent.fpnh19-1.fna&oh=00_AYCFdLF0_nDP_td7Wyjc-meQRh02xRsAW7Keu4DgAWYVsQ&oe=664348E6)
ខ) រោគសញ្ញានៃជំងឺស្អិតស្បូនមាន៖
– ស្ត្រីមានរដូវតិចតួចក្នុងករណីភ្នាសក្នុងស្បូនស្អិតខ្លះនៅផ្នែកណាមួយ
– ស្ត្រីពុំមានរដូវទាំងវ័យក្មេងក្នុងករណីភ្នាសក្នុងស្បូនស្អិតទាំងស្រុង
– ស្ត្រីមានផ្ទៃពោះឧស្សាហ៍រលូតនៅត្រីមាសទី១
– ស្ត្រីធ្លាប់មានរោគសញ្ញាឈឺចាប់ក្នុងអាងត្រគាករ៉ាំរ៉ៃពីមុនមក
– ស្ត្រីធ្លាប់មានជំងឺរលាកដៃស្បូន
– ស្ត្រីធ្លាប់មានប្រវត្តិធ្លាក់ស និងក្លាយរោគ ដោយធ្លាក់ស និងមានធុំក្លិន។
គ) ការព្យាបាល៖
ក្រោយពីការធ្វើរោគវិនិច្ឆ័យបានច្បាស់លាស់ ដោយដឹងថាស្ត្រីមានជំងឺស្អិតស្បូន យើងអាចព្យាបាលយ៉ាងមានប្រសិទ្ធិភាពដោយឧបករណ៍ឆ្លុះស្បូន (Hysterocopy diagnosis) ហើយព្យាបាលដោយការវះកាត់តាមរយៈ ម៉ាស៊ីនឆ្លុះស្បូននេះនៅភ្នាសក្នុងរបស់ស្បូន (Hysteroscopy operative) នៅពេលនោះស្បូនស្ត្រីអាចវិវត្តមក សភាពធម្មតាវិញ និងអាចមានកូន ដោយលែងរលូតទៅថ្ងៃក្រោយ៕
ប្រភព៖ មន្ទីរពេទ្យកាល់ម៉ែត – Calmette Hospital
![May be an image of text](https://scontent.fpnh19-1.fna.fbcdn.net/v/t39.30808-6/440875815_462485556281019_1102522745809350437_n.jpg?_nc_cat=105&ccb=1-7&_nc_sid=5f2048&_nc_ohc=RV7fYaNhuYgQ7kNvgEqk6WE&_nc_ht=scontent.fpnh19-1.fna&oh=00_AYCud7KeC38MFDl1_qM8UubPgTjD8HPKrH4-ZcBNEnxL0g&oe=66434CFA)