ភ្នំពេញ៖ កីឡាករជើខ្លាំងកម្ពុជាពីររូបទៀត នឹងដឹកដៃគ្នាស្វាគមន៍ កីឡាករថៃពីររូប សាកក្បាច់គុនយកឈ្នះចាញ់ ក្នុងកម្មវិធីប្រដាល់អន្តរជាតិ ជើងឯកខ្សែក្រវ៉ាត់ Carabao វគ្គ ៨ ដែលរៀបចំឡើងដោយស្ថានីយ៍ទូរទស្សន៍អាស៊ីអាគ្នេយ៍ ដោយចាប់ផ្តើមពីម៉ោង២ រសៀលដល់ម៉ោង 4:30 នាទីល្ងាច ថ្ងៃទី២៣ ខែកុម្ភៈ ឆ្នាំ២០១៩ ។
គូខ្សែក្រវ៉ាត់ លាភ រដ្ឋា មកពីក្លិបដីឡូតិ៍មានរិទ្ធ ខេត្តបន្ទាយមានជ័យ នឹងប៉ះជើងខ្លាំងថៃ Deuk Ken ក្នុងប្រភេទទម្ងន់ ៥៧គីឡូក្រាម ។ ខណៈដែល តាញ់ មករា មកពីសមាគមកីឡាប្រដាល់ក្រសួងការពារជាតិ ត្រូវជួបជើងខ្លាំង Yorth Vandy ក្នុងប្រភេទទម្ងន់ ៥៧គីឡូក្រាម ដែលជាគូដណ្តើមខ្សែក្រវ៉ាត់ ដូចគ្នា ។
