បន្ទាប់ពីចែកចាយនៅលើបណ្តាញសង្គមហ្វេសប៊ុក ជាមួយរូបភាពទង់ជាតិរបស់ថៃ ភ្ជាប់មកជាមួយកីឡាករ សុខ ធី ហៅកាកា មក មានការប្រទិចផ្តាសា ប្រមាថថា «ថោកទាប» ជាដើមអតីតកីឡាករជើងខ្លាំងរបស់កម្ពុជារូបនេះ ។
សុខ ធី ហៅកាកា ត្រូវបានសហព័ន្ធប្រដាល់គុនខ្មែរសម្រេចផ្អាកការប្រកួតរយៈពេល ៦ខែ ក្រោយរូបគេបានទាមទារនូវលទ្ធផល ក្នុងការប្រកួតជាមួយ ធនូសិកឡេក ថារូបគេមិនចាញ់នោះទេ ដោយបានវៃអ្នកប្រដាល់ថៃឲ្យរាប់ ហើយសល់ប៉ុន្មានទឹកទៀត ខាងថៃវៃគេមិនចូលនោះទេ ។
ក្រោយការចេញសេចក្តីប្រកាសសុំផ្អាកកីឡាកររូបនេះចេញពីការប្រកួតកន្លះឆ្នាំ ក៏ស្រាប់តែសុខ ធី បានសម្រេចចិត្ត ទៅរួមរស់ក្លិបនៅក្នុងប្រទេសថៃ ក៏ព្រោះតែខ្លាចខ្លួនដាច់ចំណូល នឹងប្រកាសសុំមិនចូលរួមប្រកួតនៅខ្មែរវិញនោះទេ ។
ជាមួយការចែកចាយរូបភាពព្រោងព្រាតនោះ ថាកីឡាកររូបនេះវៃតំណាងឲ្យថៃនោះ ក៏មានប្រភពច្បាស់ការពីសាមីខ្លួន បានបញ្ជាក់ព័ត៌មានក្នុងស្រុក មួយថា គេមិនបានវៃតំណាងឲ្យថៃនោះទេ គឺគេបានវៃតំណាងជាឈាមជ័រខ្មែរ ព្រោះលោកជាកូនប្រុសដែលកើតឡើងក្នុងទឹកដីខ្មែរ ៕
