ភ្នំពេញ៖ យោងតាមសេចក្តីប្រកាសរបស់សហព័ន្ធប្រដាល់គុនខ្មែរ បានឲ្យដឹងថា បានរៀបចំការប្រកួតដណ្តើមពានរង្វាន់ Wurkz ក្នុងប្រភេទទម្ងន់ ៦០គីឡូក្រាម ដោយសហការជាមួយស្ថានីយ៍ទូរទស្សន៍អាស៊ីអាគ្នេយ៍ ។
ការទទួលពាក្យចាប់ពីថ្ងៃទី ១១ ខែមករា ដល់ថ្ងៃទី២០ ខែមករា ឆ្នាំ២០១៩ នៅសហព័ន្ធប្រដាល់គុនខ្មែរតែម្តង។
តាមសេចក្តីប្រកាសខាងលើបានបញ្ជាក់ថា កម្មវិធីនេះរៀបចំឡើង ក្នុងគោលបំណងលើកស្ទួយវិស័យកីឡាប្រដាល់ជាតិ ឲ្យមានការរីកចំរើន រឹងមាំ នឹងចូលរួមលើកស្ទួយជីវភាពកីឡាករឲ្យបានសមរម្យផងដែរ ។
សម្រាប់កម្មវិធីប្រកួតនេះ នឹងធ្វើឡើងចាប់ពីថ្ងៃទី២០ ខែមករា ដល់ថ្ងៃទី៣១ ខែមីនា ដោយការប្រកួតរៀងរាល់ថ្ងៃអាទិត្យ ចាប់ពីម៉ោង ២ រសៀល ដល់ម៉ោង ៤៖៣០នាទី ល្ងាច ទីកន្លែងនៅស្ថានីយ៍ទូរទស្សន៍អាស៊ីអាគ្នេយ៍ ៕
