ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃនិងជាប្រធានគណៈកម្មាធិការសុវត្ថិភាពចរាចរណ៍ផ្លូវគោក បានចុះហត្ថលេខាលើសេចក្តីជូនដំណឹងស្តីពីការផ្ទេរកម្មសិទ្ធិយានយន្តដោយការផ្ទេរកម្មសិទ្ធិយានយន្តមិនតម្រូវឱ្យមានការបញ្ជាក់ពីម្ចាស់ដើមទៀតឡើយ។
សេចក្តីជូនដំណឹងនេះ បានបញ្ជាក់ថា ដើម្បីរួមចំណែកក្នុងការអនុវត្តច្បាប់ស្តីពីចរាចរណ៍ផ្លូវគោក រាជរដ្ឋាភិបាលសម្រេចទទួលស្គាល់ការកាន់កាប់យានយន្តជាក់ស្តែង ដោយមិនតម្រូវឱ្យមានការបញ្ជាក់ពីម្ចាស់ដើមឡើយ តែដើម្បីទទួលភាពស្របច្បាប់ ម្ចាស់យានយន្តត្រូវទៅបង់ពន្ធនិងធ្វើស្លាកលេខ ក្នុងករណីដែលមិនទាន់បង់ពន្ធ ឬធ្វើស្លាកនោះ៕
