ជើងខ្លាំងប្រដាល់ Floyd Mayweather Jr. បានបង្ហាញខ្លួនក្នុងសប្តាហ៍នេះជាមួយនឹង “រថយន្តប្រណិត” ថ្មី។ នៅលើ Instagram គាត់បានបង្ហោះវីដេអូនៃការបន្ថែមចុងក្រោយបំផុតនៃការប្រមូលរថយន្តប្រណិតរបស់គាត់គឺ Rolls-Royce Cullinan ដែលមានតម្លៃចាប់ពី 1.7 លានដុល្លារនៅក្នុងទីផ្សារសហរដ្ឋអាមេរិក។
Cullinan មានម៉ាស៊ីន V12 ទំហ៊ំស៊ីឡាំង 6.75 លីត្រ ដែលអាចបង្កើតកម្លាំងបាន 543 សេះ។ ម៉ូដែលនេះអាចបង្កើនល្បឿនឡើងដល់ 100 គីឡូម៉ែត្រក្នុងមួយម៉ោង ក្នុងរយៈពេល 5.2 វិនាទី ហើយមានល្បឿនអតិបរមា 249 គីឡូម៉ែត្រក្នុងមួយម៉ោង។
គួររំលឹកឡើងវិញដែរថា នេះជារថយន្ត Rolls-Royce ទីប្រាំមួយរបស់ Mayweather។ អ្នកប្រដាល់ជើងខ្លាំងរូបនេះ ជាអ្នកដែលចូលចិត្តរថយន្តទំនើប ហើយបច្ចុប្បន្នគាត់មានរថយន្តប្រណិតៗជាង ១០០គ្រឿង៕
