ភីលីពិន៖ នេះជារឿងគួរអោយភ្ញាក់ផ្អើលមួយ ក្រោយកំពូលអ្នកប្រដាល់ Manny Pacquiao បានប្រកាសពីការចូលនិវត្តន៍ពីអាជីពប្រដាល់របស់ខ្លួនជាផ្លូវការ។
នេះបើតាមការបញ្ជាក់របស់លោកទៅកាន់ Toni Talks បានអោយដឹងថា “អាជីពប្រដាល់របស់ខ្ញុំត្រូវបានបញ្ចប់ហើយ ក៏ព្រោះតែខ្ញុំបានប្រឡូកជាយូរមកហើយ ហើយក៏គិតវាគ្រប់គ្រាន់ណាស់ហើយដែរ។ វាដល់ពេលខ្ញុំធ្វើជាអ្នកគាំទ្រអ្នកប្រដាល់ដទៃវិញម្តងហើយនៅពេលនេះ”។
គួរបញ្ជាក់ថា Manny Pacquiao គឺជាអតីតម្ចាស់ខ្សែក្រវាត់ ៨ស្ថាប័នផ្សេងគ្នា ដោយក្នុងនោះកាលពីខែសីហាកន្លងទៅនេះ លោកបានប្រកួតជាមួយនឹងកីឡាករ Yordenis Ugas ទទួលលទ្ធផលចាញ់ដោយពិន្ទុ៕
