អ្នកនាំពាក្យ CCSA (Center for COVID-19 Situation Administration) របស់ប្រទេថៃបានបញ្ចាក់ថា មានករណីឆ្លងវីរុសកូវី១៩ ថ្មី ចំនួន ១២០ករណី និងមានអ្នកស្លាប់ ២នាក់បន្ថែមទៀត នៅថ្ងៃពុធ ទី១ ខែមេសា នេះ។
អ្នកស្លាប់ទាំង ២នាក់នោះ រួមមានបុរសជនជាតិថៃអាយុ ៧៩ឆ្នាំ មកពីខេត្តភាគខាងត្បូង ដែលបានចូលរួមពីធីមង្គលការនៅប្រទេសម៉ាឡេស៊ី កាលពីដើមខែមីនា និងម្នាក់ទៀតជាអ្នកជំនួញអាយុ ៥៨ឆ្នាំ ដែលបានវិលត្រលប់មកពីប្រទេសអង់គ្លេស កាលពីខែមុន។
គួរបញ្ជាក់ដែរថា ចំនួនអ្នកឆ្លងវីរុសនេះ សរុបមានចំនួន ១,៧៧១នាក់ និងអ្នកស្លាប់ចំនួន ១២នាក់៕
