ចំនួនអ្នកស្លាប់ដោយវីរ៉ុសកូវីដ១៩ នៅសហរដ្ឋអាមេរិក បានកើនឡើងដល់ ៣,០០០នាក់ កាលពីថ្ងៃចន្ទ (៣០ មីនា) ស្របពេលជាមួយការមកដល់ របស់នាវាពេទ្យកងទ័ពជើងទឹក របស់សហរដ្ឋអាមេរិក ដែលមាន ១,០០០គ្រែ ហើយវាជាក្តីសង្ឃឹមថ្មីមួយទៀត ក្នុងការប្រយុទ្ធប្រឆាំងនឹងការីករាលដាលនៃវីរ៉ុសនេះ។
យោងតាមរបាយការណ៍ ទីភ្នាក់ងារសារព័ត៌មាន រ៉យទ័រ បានឲ្យដឹងថា ចំនួនអ្នកស្លាប់នៅសហរដ្ឋអាមេរិកមានលើសពី ៣,០០០នាក់ ក្នុងនោះយ៉ាងហោចណាស់ មានមនុស្សចំនួន ៥៤០នាក់ បានស្លាប់កាលពីថ្ងៃចន្ទ ហើយចំនួនអ្នកឆ្លងវីរ៉ុសកូវីដ១៩ កើនឡើងដល់ជាង ១៦៣,០០០នាក់៕
