គណនី Twitter មួយបានបង្ហោះ video ដែលមានក្រុមថតរូបចោមរោមថតនារីតែងខ្លួនម្នាក់ក្នុងកម្មវិធី Comiket របស់ប្រទេសជប៉ុនដែលមានអ្នកទស្សនា video នេះជិត 4 លាន Views ។
កម្មវិធី Comiket គឺជាកម្មវីធីស្លៀកសំលៀកបំពាក់ប្លែកៗតាមតួអង្គតុក្តារឺខ្សែភាពយន្តជប៉ុន ប្រជុំគ្នាតាមការច្នៃប្រឌិតសម្លៀកបំពាក់និងសម្ភារៈរៀងៗខ្លួន កម្មវិធីនេះបង្កើតឡើងនៅ ខែធ្នូ ឆ្នាំ 1975 ក្នុងទីក្រុងតូខ្យូ ប្រទេសជប៉ុន គិតមកដល់បច្ចុប្បន្នលើកទី 96 ហើយ ។
ខណៈពេលដែលកម្មវិធីកំពុងដំណើរការបានយ៉ាងល្អដោយមានអ្នកចូលរួមក្នុងឆ្នាំ 2019 នេះបំបែកកំណត់ត្រា 730,000 នាក់ ស្រាប់តែមានរឿងភ្ញាក់ផ្អើលមួយកើតឡើង បន្ទាប់ពីអ្នកថតរូបមួយក្រុមចោមរោមថត នារីតុបតែងខ្លួនជនជាតិចិនម្នាក់ ។
Video ដែលថតបានដោយអ្នកចូលរួមបង្ហាញថានាងព្យាយាមដើរចេញពីក្រុមអ្នកថតទាំងនោះមានទាំងសំលេងយំផង តែនៅមានអ្នកថតរូបព្យាយាមថតពីក្រោមសំពត់នាងទៀត ប៉ុន្តែដោយមានការអន្តរាគមន៍ពីក្រុមការងារ របស់កម្មវិធីបញ្ឈប់ការថតរបស់ពួកគេ ។
#C96#コスプレイヤー #コミケコスプレイヤー
今日中国人のコスプレイヤーにカメラマンたちが怖がってるのに近づいてローアングルで撮ってたりしててめっちゃかわいそうだった。誰かがスタッフを呼んできて撮影は中止されたけどスタッフがきててもスカートのなかにカメラを入れてる人がいた。 pic.twitter.com/BXHJaiNspw— 愛宕atago1012夏コミ3日目 (@rubi0921) August 11, 2019
មុនពេលក្រុមការងារកម្មវិធីបណ្តេញក្រុមអ្នកថត នារីដែលតុបតែងខ្លួនអង្គុយនៅនិងដី ដោយបាំងផ្នែកខាងក្រោមសំពត់របស់នាងដោយសៀវភៅមួយក្បាលដើម្បីជៀសពីការថតរបស់ក្រុមអ្នកថតទាំងនោះប៉ុន្តែក្រុមអ្នកថតទាំងនោះបានព្យាយាមថតពីលើចាប់យកទ្រូងរបស់នាង ។
នារីដែលត្រូវក្រុមថតរូបចោមរោមបាន Share video នោះក្នុងបណ្តាញ Twitter របស់ខ្លួនដោយនាងសរសេរថាៈ “គឺជាខ្ញុំក្នុង Video នេះ ខ្ញុំព្យាយាមប្រាប់ពួកគាត់កុំអោយថតជិតពេក ប៉ុន្តែគ្មានអ្នកណាស្តាប់ខ្ញុំឡើយ អរគុណក្រុមការងារកម្មវីធី” នាងបានបន្តទៀតថា “ប្រសិនបើមានរឿងបែបនេះម្តងទៀត ខ្ញុំនិងប្រដៅអ្នកថតរូបទាំងនោះ(ខ្ញុំកំពុងតែរៀនប្រដាល់) ក្នុងនោះផងដែរអ្នកលេង Twitter ជាច្រើនមិនពេញចិត្តចំពោះទង្វើរបស់ក្រុមអ្នកថតរូបខាងលើហើយខ្លះទៀតមិនពេញចិត្តចំពោះកម្មវិធីនេះតែម្តង ដោយឃើញថាកម្មវិធីនេះហាក់មានភាពស៊ីចស៊ីខ្លាំង ។
ទោះជាយ៉ាងណានារីដែលត្រូវចោមរោមដោយក្រុមថតនោះបានបង្ហោះក្នុង Twitter របស់នាងថា “ទោះបីជាមានរឿងកើតឡើងក៏ដោយ ប៉ុន្តែសប្បាយចិត្តដែលទទួលបានរូបភាពទាំងនេះ” ៕
