លោក វ៉ាង យី (Wang Yi) សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន និងជានាយកការិយាល័យគណៈកម្មការកិច្ចការបរទេស កាលពីថ្ងៃអាទិត្យ បានជួបជាមួយអគ្គលេខាធិការនៃលេខាធិការដ្ឋានសន្តិសុខជាតិជប៉ុន លោក ម៉ាសាតាកា អូកាណូ (Masataka Okano) ។
ភាគីទាំងពីរបានចូលរួមក្នុងការពិភាក្សាស៊ីជម្រៅលើការអនុវត្តរួមគ្នានៃការឯកភាពដ៏សំខាន់ដែលមេដឹកនាំនៃប្រទេសទាំងពីរសម្រេចបាន និងលើការលើកកម្ពស់ការអភិវឌ្ឍប្រកបដោយសុខភាព និងស្ថិរភាពនៃទំនាក់ទំនងយុទ្ធសាស្ត្រចិន-ជប៉ុន ដែលមានផលប្រយោជន៍ទៅវិញទៅមក។
ភាគីទាំងពីរបានយល់ព្រមបន្តទំនាក់ទំនងតាមរយៈយន្តការសន្ទនានយោបាយកម្រិតកំពូលចិន-ជប៉ុន៕
