បរទេស៖ ប្រទេសហ្ស៊កដានីបានបញ្ជូនឧទ្ធម្ភាគចក្រជំនួយចំនួន ១៦គ្រឿងទៀតទៅកាន់តំបន់ហ្គាហ្សា ដែលជាផ្នែកនៃកិច្ចខិតខំប្រឹងប្រែងបន្តរបស់ខ្លួនក្នុងការផ្តល់ជំនួយដល់តំបន់។
ទីភ្នាក់ងារសារព័ត៌មានរដ្ឋ Petra បានរាយការណ៍ថា ឧទ្ធម្ភាគចក្រទាំងនោះបានដឹកជំនួយមនុស្សធម៌ និងសម្ភារចំនួន ២០តោនដែលត្រូវបានបញ្ជូនដោយសហការជាមួយអង្គការសប្បុរសធម៌ Jordan Hashemite និងប្រទេសមួយចំនួនទៀត។
ប្រទេសហ្ស៊កដានីកំពុងធ្វើពិពិធកម្មលើវិធីសាស្រ្តរបស់ខ្លួនក្នុងការផ្តល់ជំនួយដល់តំបន់ហ្គាហ្សា ដោយឧទ្ធម្ភាគចក្រយោធាត្រូវបានប្រើដើម្បីពន្លឿនការដឹកជញ្ជូនក្នុងការផ្គត់ផ្គង់បន្ទាន់ ជាពិសេសការព្យាបាលវេជ្ជសាស្រ្ត និងសម្ភារៈថែទាំសុខភាពសំខាន់ៗ។
ទីភ្នាក់ងារ Petra បានរាយការណ៍ថា ការដឹកជញ្ជូនមនុស្សធម៌ត្រូវបានកំណត់បន្តរយៈពេល ៨ថ្ងៃដោយមានយន្តហោះចំនួន ១៦គ្រឿងដំណើរការជារៀងរាល់ថ្ងៃ៕
