ច្រកព្រំដែនចិន-ម៉ុងហ្គោលី បានគ្រប់គ្រងអ្នកដំណើរ ៦០០,០០០នាក់

បរទេស៖ អាជ្ញាធរក្នុងតំបន់បាននិយាយកាលពីថ្ងៃចន្ទថា កំពង់ផែអ៊ីរ៉េនហត់ (Erenhot) ដែលជាកំពង់ផែដីគោកដ៏ធំបំផុតនៅព្រំដែនចិន-ម៉ុងហ្គោលីបានគ្រប់គ្រងអ្នកដំណើរក្នុង និងក្រៅប្រទេសចំនួន ៦០០,០០០នាក់នៅឆ្នាំនេះ។

យោងតាមស្ថានីយត្រួតពិនិត្យព្រំដែនច្រកចូល-ចេញរបស់កំពង់ផែនេះបានឱ្យដឹងថា  កំពង់ផែបានគ្រប់គ្រងយានយន្តចំនួន ១៥០,០០០គ្រឿងក្នុងអំឡុងពេលនោះ។ ក្នុងរយៈពេល      ២ខែដំបូងនៃឆ្នាំនេះ កំពង់ផែបាននាំចេញផ្លែឈើ និងបន្លែចំនួន ១៩,០០០តោន បានកើនឡើង ២៣.១% ពីមួយឆ្នាំទៅមួយឆ្នាំ ជាមួយនឹងតម្លៃទំនិញសរុបឈានដល់ ៣៦.៩៩លានយ័ន (ប្រហែល ៥.១លានដុល្លារអាម៉េរិក) បានកើនឡើង ១៦.៧% ពីមួយឆ្នាំទៅមួយឆ្នាំ។

ប៉ុន្មានឆ្នាំមកនេះ កំពង់ផែ Erenhot បានដោះស្រាយជាង ៧០% នៃការងារដឹកជញ្ជូនតាមផ្លូវគោករវាងប្រទេសចិន និងម៉ុងហ្គោលី។ ក្នុងឆ្នាំ២០២៣ តែមួយ កំពង់ផែ Erenhot បានកត់ត្រាអ្នកដំណើរក្នុង និងក្រៅប្រទេសជាង ១.៤៦លាននាក់ និងរថយន្តដឹកជញ្ជូន ២៦២,០០០គ្រឿង។

ចាប់ពីថ្ងៃទី១ ខែមេសា កំពង់ផែបានចាប់ផ្តើមប្រតិបត្តិការ ២៤ម៉ោងក្នុងការបោសសំអាតគយនៃការដឹកជញ្ជូនទំនិញរបស់ខ្លួនដែលនឹងមានរយៈពេល ៦ខែ៕

ប្រភព៖ AKP