បរទេស៖ កុមារ និងយុវជនមកពីប្រទេសចិន និងគុយបា បានប្រារព្ធទិវាមិត្តភាពពិសេសរវាងប្រទេសទាំងពីរ ជាមួយនឹងថ្ងៃវប្បធម៌ ដែលបានក្លាយជាស្ពាននៃការទំនាក់ទំនង និងការយោគយល់គ្នាទៅវិញទៅមក។
ដោយបានប្រារព្ធឡើងនៅទីស្នាក់ការការទូតនៃប្រទេសក្នុងតំបន់ការាបៀនមួយនេះ កុមារប្រមាណ ១៥០នាក់បានស្វាគមន៍ខួបលើកទី៦២ និង ៦៣ នៃសហភាពកុម្មុយនិស្តវ័យក្មេងនៃប្រទេសគុយបា និងអង្គការអ្នកត្រួសត្រាយ José Martí រៀងគ្នា ក៏ដូចជាខួបលើកទី១០២ នៃសម្ព័ន្ធយុវជនកុម្មុយនិស្តមកពីប្រទេសចិន។
នៅក្នុងទិវានោះ មានការសម្តែងតន្រ្តីពីខ្លុយ វីយូឡុង និងសូឡូ ព្រមទាំងការសូត្រកំណាព្យ ការប្រគុំតន្រ្តី ក្នុងសកម្មភាពមួយដែលក្មេងតូចៗបានធ្វើជាក្បួនដង្ហែរជាមួយនឹងសំលៀកបំពាក់តំណាងនៃវិស័យផ្សេងៗនៃសង្គមគុយបា។
សិស្សានុសិស្ស និងគ្រូបង្រៀនមកពីសាលាមិត្តភាពគុយបា-ចិន និងគម្រោងវប្បធម៌ផ្សេងៗនៅទីក្រុងប៉េកាំង បានចូលរួមក្នុងព្រឹត្តិការណ៍នេះ៕
ប្រភព៖ AKP
