បរទេស៖ រដ្ឋមន្ត្រីក្រសួងសុខាភិបាលឥណ្ឌូណេស៊ី លោក ប៊ូឌី ហ្គូណាឌី សាឌីគីន បានអំពាវនាវឱ្យពន្លឿនការបណ្តុះបណ្តាលគ្រូពេទ្យជំនាញ ដើម្បីធានាដល់គុណភាពនៃការថែទាំសុខភាពសាធារណៈ កាលពីថ្ងៃទី០៦ ខែវិច្ឆិកា។
លោក ប៊ូឌី បាននិយាយថា ការបណ្តុះបណ្តាលវេជ្ជបណ្ឌិតប្រចាំឆ្នាំនៅក្នុងប្រទេសឥណ្ឌូណេស៊ីមិនសមស្របទៅនឹងអត្រាកំណើនប្រជាជនទេ។ ដូច្នេះការថែទាំសុខភាពសាធារណៈនៅតែស្ថិតនៅក្រោមស្តង់ដារ។
លោកបាននិយាយបន្ថែមថា ក្រៅពីកង្វះបុគ្គលិកពេទ្យ ប្រទេសឥណ្ឌូណេស៊ីក៏កំពុងប្រឈមមុខនឹងការលំបាកក្នុងការបណ្តុះបណ្តាលវេជ្ជបណ្ឌិតឯកទេសឱ្យបានចំនួនគ្រប់គ្រាន់សម្រាប់រដ្ឋធានីថ្មី នូសាន់តារ៉ា (IKN) ផងដែរ។
យោងតាមរូបលោកបានឱ្យដឹងថា មន្ទីរវេជ្ជសាស្រ្តល្បីឈ្មោះចំនួន ៣០០កន្លែង នឹងត្រូវបានណែនាំឱ្យដាក់ទៅជាសាលាពេទ្យដើម្បីឱ្យសិស្សអាចទទួលបានបទពិសោធន៍ជាក់ស្តែងក្នុងអំឡុងពេលសិក្សារបស់ពួកគេ។ ជាមួយនឹងកម្មវិធីនេះ គ្រូពេទ្យជំនាញជាង ៣០.០០០នាក់អាចត្រូវបានបណ្តុះបណ្តាលជារៀងរាល់ឆ្នាំ។
លោកក៏បានលើកឡើងផងដែរអំពីគោលនយោបាយរបស់ប្រទេសឥណ្ឌូណេស៊ីក្នុងការបញ្ជូនវេជ្ជបណ្ឌិតទៅក្រៅប្រទេសដើម្បីបង្កើនជំនាញរបស់ពួកគេ និងកាត់បន្ថយនិន្នាការស្វែងរកការព្យាបាលនៅក្រៅប្រទេស។ តាមការប៉ាន់ស្មានថា ជារៀងរាល់ឆ្នាំ ប្រជាជនឥណ្ឌូណេស៊ីប្រហែល ២លាននាក់តែងតែធ្វើដំណើរទៅប្រទេសជិតខាង ដូចជាប្រទេសសិង្ហបុរី ម៉ាឡេស៊ី និងថៃ ដើម្បីទទួលបានការព្យាបាល៕
ប្រភព៖ AKP
