បរទេស៖ អ្នកនាំពាក្យប្រធានាធិបតីអេហ្ស៊ីប លោក អាម៉េដ ហ្វាមី បាននិយាយនៅទូរទស្សន៍អាល់ អារ៉ាប៊ីយ៉ា ថា អ្នកចូលរួមនៃកិច្ចប្រជុំកំពូលសន្តិភាពទីក្រុងគែរ បានព្រមព្រៀងគ្នាទៅលើការផ្តល់ជំនួយមនុស្សធម៌ទៅកាន់តំបន់ហ្គាហ្សាស្ទ្រីប។
លោក ហ្វាមី បាននិយាយថា «កិច្ចប្រជុំកំពូលទីក្រុងគែរបានបញ្ចប់ដោយមានកិច្ចព្រមព្រៀងមួយនៃការផ្តល់ជំនួយដល់តំបន់ហ្គាហ្សា»។
លោកបាននិយាយបន្ថែមថា «ទោះជាយ៉ាងណាក៏ដោយ បទឈប់បាញ់គ្នានៅតំបន់ហ្គាហ្សាស្ទ្រីប និងកម្រិតនៃការថ្កោលទោស គឺជាចំណុចនៃការខ្វែងគំនិតគ្នា ក្នុងចំណោមអ្នកចូលរួមកិច្ចប្រជុំនោះ»។
អ្នកនាំពាក្យប្រធានាធិបតីអេហ្ស៊ីបបាននិយាយថា «មានប្រទេសមួយចំនួននៅក្នុងកិច្ចប្រជុំកំពូល ចង់បន្ទោសទៅលើភាគីតែម្ខាងនៃជម្លោះនោះ»។
ភាពតានតឹងបានផ្ទុះឡើងសារជាថ្មីម្តងទៀតនៅមជ្ឈិមបូព៌ាកាលពីថ្ងៃទី៧ ខែតុលា នៅពេលដែលក្រុមសកម្មប្រយុទ្ធមកពីចលនាប៉ាឡេស្ទីនរ៉ាឌីកាល់ហាម៉ាស់បានធ្វើការវាយប្រហារដ៏ភ្ញាក់ផ្អើលមួយទៅលើទឹកដីអ៊ីស្រាអែលពីតំបន់ហ្គាហ្សាស្ទ្រីប។
ក្រុមហាម៉ាស់បានពណ៌នាការវាយប្រហាររបស់ខ្លួនថា ជាការឆ្លើយតបទៅនឹងសកម្មភាពឈ្លានពានរបស់អាជ្ញាធរអ៊ីស្រាអែលប្រឆាំងនឹងវិហារអ៊ីស្លាមអាល់-អាកសា ក្នុងទីក្រុងហ្សេរុយសាឡឹម។ ប្រទេសអ៊ីស្រាអែលបានប្រកាសបិទទាំងស្រុងនៃតំបន់ហ្គាហ្សា ហើយបាននិងកំពុងវាយប្រហារដោយគ្រាប់រ៉ុក្កែតទៅលើតំបន់ហ្កាហ្សា ព្រមទាំងស្រុកមួយចំនួនក្នុងប្រទេសលីបង់ និងស៊ីរី៕
ប្រភព៖ AKP
