បរទេស៖ ប្រធានាធិបតីចិន លោក ស៊ី ជីនពីង បានជួបជាមួយប្រធានាធិបតីនៃសាធារណរដ្ឋកុងហ្គោ លោក ដេនីស៍ សាសស៊ូ ងេស៍សូ (Denis Sassou Nguesso) ដែលកំពុងនៅទីក្រុងប៉េកាំងសម្រាប់ចូលរួមវេទិកាខ្សែក្រវាត់ និងផ្លូវលើកទី៣ សម្រាប់កិច្ចសហប្រតិបត្តិការអន្តរជាតិ កាលពីថ្ងៃព្រហស្បតិ៍។
ដោយពណ៌នាអំពីសាធារណរដ្ឋកុងហ្គោក្នុងនាមជាអ្នកចូលរួមយ៉ាងសកម្ម និងជាដៃគូសំខាន់ក្នុងកិច្ចសហប្រតិបត្តិការខ្សែក្រវាត់ និងផ្លូវ លោក ស៊ី បាននិយាយថា កិច្ចសហប្រតិបត្តិការមិត្តភាពរវាងប្រទេសទាំងពីរបានផ្តល់លទ្ធផលជាក់ស្តែង។
លោក ស៊ី បាននិយាយថា ប្រទេសចិនមានឆន្ទៈក្នុងការស្វែងរក និងជំរុញផ្នែកថ្មីនៃកិច្ចសហប្រតិបត្តិការ ដូចជាសេដ្ឋកិច្ចឌីជីថល និងការអភិវឌ្ឍបៃតងជាមួយសាធារណរដ្ឋកុងហ្គោ និងលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយនៃកិច្ចសហប្រតិបត្តិការរបស់ពួកគេ។
លោក សាសស៊ូ ងេស៍សូ បាននិយាយថា គំនិតផ្តួចផ្តើមខ្សែក្រវាត់ និងផ្លូវ គឺជាគម្រោងដ៏អស្ចារ្យដែលផ្តល់ឱ្យពិភពលោកនូវគំរូថ្មីនៃការអភិវឌ្ឍរួម។
សាធារណរដ្ឋកុងហ្គោគាំទ្រយ៉ាងសកម្មចំពោះគំនិតផ្តួចផ្តើមអភិវឌ្ឍន៍ជាសកល ដែលជាគំនិតផ្តួចផ្តើមសន្តិសុខសកល និងគំនិតផ្តួចផ្តើមអរិយធម៌សកលដែលស្នើឡើងដោយលោក ស៊ីហើយលោក សាសស៊ូ ងេស៍សូ បានកត់សម្គាល់ថា ពួកគេមានភាពអំណោយផលដល់ការលើកកម្ពស់ពហុភាគីនិយម និងយុត្តិធម៌អន្តរជាតិ។
មន្ត្រីជាន់ខ្ពស់ចិន លោក ខៃ គី និងលោក វ៉ាង យី ក៏បានចូលរួមកិច្ចប្រជុំនេះផងដែរ៕
ប្រភព៖ AKP
