ហ្វីលីពីន និងសម្ព័ន្ធមិត្តចាប់ផ្តើមសមយុទ្ធកងនាវាចរណ៍ប្រចាំឆ្នាំ

បរទេស៖ ប្រទេសហ្វីលីពីន ចក្រភពអង់គ្លេស កាណាដា ជប៉ុន និងសហរដ្ឋអាមេរិក បានបើកសមយុទ្ធកងនាវាចរណ៍ទ្វេភាគីប្រចាំឆ្នាំដែលមានឈ្មោះថា «សមយុទ្ធសាម៉ាសាម៉ា» កាលពីថ្ងៃទី២ ខែតុលា។

កងទ័ពជើងទឹកហ្វីលីពីនបាននិយាយថា សមយុទ្ធនៅក្នុងឆ្នាំនេះកំពុងត្រូវបានធ្វើឡើងនៅឯឆ្នេរសមុទ្រទីក្រុងម៉ានីល និងនៅកោះលូហ្សូនខាងត្បូង ដោយមានការចូលរួមពីកងទាហានជាង ១.៨០០នាក់។

សកម្មភាពសំខាន់ៗនៃសមយុទ្ធនោះ រួមមានប្រតិបត្តិការប្រឆាំងនឹងនាវាមុជទឹក និងការធ្វើប្រតិបត្តិការប្រឆាំងនឹងនាវា និងការពារដែនអាកាស ព្រមទាំងសង្គ្រាមអេឡិចត្រូនិច។

យោងតាមមន្រ្តីកងទ័ពជើងទឹកអាម៉េរិកបានឱ្យដឹងថា រួមជាមួយនឹងយន្តហោះដឹកទំនិញស្ងួត និងយន្តហោះប្រឆាំងនាវាមុជទឹកប្រភេទ P-8 Poseidon របស់សហរដ្ឋអាមេរិកនឹងចូលរួមនៅក្នុងសមយុទ្ធការរួមគ្នាដែលរៀបចំឡើងដោយប្រទេសហ្វីលីពីនដែលត្រូវបានកំណត់ឱ្យដំណើរការរហូតដល់ថ្ងៃទី១៣ ខែតុលា។

កងទ័ពជើងទឹកហ្វីលីពីនក៏នឹងដាក់ពង្រាយនាវាពិឃាតគ្រាប់មីស៊ីលដែលបានដឹកនាំសម្រាប់សមយុទ្ធនេះដែរ ខណៈដែលកងកម្លាំងការពារសមុទ្ររបស់ជប៉ុន និងកងទ័ពជើងទឹកកាណាដា ក៏នឹងបញ្ជូនក្រុមប្រឆាំងគ្រាប់មីស៊ីលទៅចូលរួមព្រឹត្តិការណ៍នេះផងដែរ។

កងទ័ពជើងទឹកអូស្រ្តាលី បារាំង ឥណ្ឌូណេស៊ី និងនូវែលសេឡង់ ក៏បានចូលរួមក្នុងសមយុទ្ធនេះ ដោយបានបញ្ជូនអ្នកសង្កេតការណ៍ និងអ្នកជំនាញយោធាទៅក្នុងព្រឹត្តិការណ៍នេះដែរ៕

ប្រភព៖​ ទីភ្នាក់ងារសារព័ត៌មានកម្ពុជា