បរទេស៖ លោក យីន លី លេខាគណៈកម្មាធិការទីក្រុងប៉េកាំងនៃគណបក្សកុម្មុយនិស្តចិន បានជួបពិភាក្សាជាមួយលោក ឌីង ទៀនឌុង សមាជិកការិយាល័យនយោបាយបក្សកុម្មុយនិស្តវៀតណាម និងជាលេខាគណៈកម្មាធិការបក្សកុម្មុយនិស្តទីក្រុងហាណូយ នៅទីក្រុងប៉េកាំងកាលពីថ្ងៃពុធ។
លោក យីន ដែលជាសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនផងដែរនោះបាននិយាយថា ប្រទេសចិន និងវៀតណាម គឺជាសមមិត្តល្អ និងជាដៃគូដ៏ល្អដែលមានទស្សនៈវិស័យ និងជោគវាសនាដូចគ្នា ហើយការណែនាំជាយុទ្ធសាស្ត្ររបស់អគ្គលេខាធិការនៃគណបក្សទាំងពីរ គឺជាការធានាដ៏រឹងមាំបំផុតសម្រាប់ស្ថិរភាព និងការអភិវឌ្ឍរយៈពេលវែងនៃទំនាក់ទំនងរវាងប្រទេសចិន-វៀតណាម។
លោកបាននិយាយដោយសង្ឃឹមថា ភាគីទាំងពីរនឹងយកកិច្ចប្រជុំនេះជាឱកាសដើម្បីធ្វើការរួមគ្នាក្នុងការអនុវត្តការព្រមព្រៀងដ៏សំខាន់ដែលអគ្គលេខាធិការនៃគណបក្សទាំងពីរសម្រេចបាន ព្រមទាំងពង្រឹងការផ្លាស់ប្តូរ និងកិច្ចសហប្រតិបត្តិការរវាងទីក្រុងទាំងពីរ និងជំរុញការកសាងសហគមន៍ចិន-វៀតណាមជាមួយអនាគតរួមគ្នាផងដែរ។
លោក ឌីង ទៀនឌុង បាននិយាយថា ប្រទេសវៀតណាមសង្ឃឹមថានឹងពង្រឹងការផ្លាស់ប្តូរគ្នារវាងគណបក្សទាំងពីរ និងកិច្ចសហប្រតិបត្តិការក្នុងតំបន់ជាមួយប្រទេសចិន ដើម្បីជំរុញទំនាក់ទំនងទ្វេភាគីឱ្យឡើងដល់កម្រិតថ្មីមួយ៕
ប្រភព៖ ទីភ្នាក់ងារសារព័ត៌មានកម្ពុជា
