បរទេស៖ ទីស្នាក់ការកណ្តាលគ្រប់គ្រងទឹកជំនន់ និងគ្រោះរាំងស្ងួតរបស់រដ្ឋនៃប្រទេសចិនបានបើកដំណើរការនៃការឆ្លើយតបជាបន្ទាន់កម្រិត៤ ចំពោះគ្រោះទឹកជំនន់នៅក្នុងខេត្តចំនួន៩។
តំបន់ទាំងនោះរួមមាន ខេត្តជាំងស៊ូ ខេត្តអានហ៊ុយ ខេត្តសានដុង ខេត្តហឺណាន ខេត្តហ៊ូប៉ី ខេត្តហ្គីហ្សូ និងខេត្តសានស៊ី ក៏ដូចជាខេត្តចុងគីង និងខេត្តស៊ីឈ័ននៅភាគនិរតីនៃប្រទេសចិន។ អាជ្ញាធរបានបញ្ជូនក្រុមការងារទៅកាន់ខេត្តចុងគីង និងខេត្តស៊ីឈ័នផងដែរ។
ភ្លៀងធ្លាក់ខ្លាំងត្រូវបានគេរំពឹងថា នឹងវាយប្រហារតំបន់ទាំងនោះ ហើយកន្លែងខ្លះទំនងជាមានផ្គររន្ទះ និងខ្យល់កន្ត្រាក់។
អាជ្ញាធរមូលដ្ឋានត្រូវបានជំរុញឱ្យតាមដានកម្រិតទឹកភ្លៀង ពង្រឹងការឆ្លើយតបទៅនឹងគ្រោះមហន្តរាយធម្មជាតិ និងទឹកជំនន់ក្នុងកម្រិតតូចតាច និងទន្លេខ្នាតមធ្យម ធានាសុវត្ថិភាពនៃអាងស្តុកទឹក និងដោះស្រាយបញ្ហាទឹកលិចក្នុងទីក្រុងឱ្យបានទាន់ពេលវេលា។
ប្រទេសចិនមានប្រព័ន្ធទប់ទល់គ្រោះទឹកជំនន់កម្រិតចំនួន ៤កម្រិត ដោយកម្រិត១ ជាការឆ្លើយតបធ្ងន់ធ្ងរបំផុត៕
ប្រភព៖ ទីភ្នាក់ងារសារព័ត៌មានកម្ពុជា
