បរទេស៖ យោងតាមសន្និសីទសារព័ត៌មានមួយកាលពីថ្ងៃច័ន្ទ ស្តីពីសុវត្ថិភាពអណ្តូងរ៉ែបានឱ្យដឹងថា ប្រទេសចិនបាននឹងកំពុងជំរុញការអភិវឌ្ឍការរុករកធនធានរ៉ែឆ្លាតវៃ ចំពេលដែលមានកិច្ចខិតខំប្រឹងប្រែងដើម្បីកែលម្អសុវត្ថិភាពផលិតកម្ម។
មន្ត្រីរដ្ឋបាលជាតិសុវត្ថិភាពធនធានរ៉ែ លោក ស៊ុន គីងគូ បាននិយាយនៅក្នុងសន្និសីទសារព័ត៌មាននោះថា ប្រទេសចិនបានចាត់វិធានការជាបន្តបន្ទាប់ដើម្បីជំរុញការអភិវឌ្ឍធនធានរ៉ែឆ្លាតវៃ។
លោក ស៊ុន បាននិយាយថា មានអណ្តូងរ៉ែធ្យូងថ្មចំនួន ៧៣០កន្លែងនៅក្នុងប្រទេសចិនដែលត្រូវបានបំពាក់ដោយមុខងារធ្វើការងារឆ្លាតវៃ ហើយចំនួនមុខងារនោះសរុបមានដល់ទៅ ១.៤០០មុខងារ។
លោក ស៊ុន បាននិយាយថា ប្រទេសចិនបានសន្យាថានឹងជំរុញការអភិវឌ្ឍវិស័យនេះបន្ថែមទៀតជាមួយនឹងការលើកទឹកចិត្ត រួមទាំងការកែលម្អបទប្បញ្ញត្តិ ស្តង់ដារ និងការគាំទ្រគោលនយោបាយ។
លោកបាននិយាយបន្តថា កិច្ចខិតខំប្រឹងប្រែងនឹងត្រូវធ្វើឡើងដើម្បីលើកទឹកចិត្តដល់សាកលវិទ្យាល័យ វិទ្យាស្ថានស្រាវជ្រាវ អាជីវកម្មរ៉ែ និងវិទ្យាសាស្ត្របច្ចេកវិទ្យា ដើម្បីធ្វើការងាររួមគ្នាដើម្បីអនុវត្តការស្រាវជ្រាវ និងលើកកម្ពស់ការអនុវត្តការបើកបរគ្មានមនុស្សបើក និងបច្ចេកវិទ្យាថាមពលថ្មីនៅក្នុងអណ្តូងរ៉ែដោយបើកចំហ៕
ប្រភព៖ ទីភ្នាក់ងារសារព័ត៌មានកម្ពុជា
