បរទេស៖ កាលពីថ្ងៃអង្គារ កងទ័ពជើងទឹកប្រេស៊ីលបាននិយាយថា ខ្លួនបានរឹបអូសបានកូកាអ៊ីនចំនួន ៣,៦ តោននៅលើទូកមួយនៅឆ្នេរសមុទ្រនៃរដ្ឋ Pernambuco ភាគឦសានប្រទេស ដែលជាការរឹបអូសគ្រឿងញៀននៅឆ្នេរសមុទ្រតែមួយដ៏ធំបំផុតដោយប្រទេសប្រេស៊ីល។
នៅក្នុងសេចក្តីថ្លែងការណ៍មួយ កងទ័ពជើងទឹកបាននិយាយថា ខ្លួនបានរឹបអូសទូកម៉ូទ័រតូចមួយ ដែលប្រើសម្រាប់ដឹកជញ្ជូនមនុស្ស និងទំនិញតាមឆ្នេរសមុទ្រ ជាមួយនឹងសមាជិកនាវិកប្រាំនាក់ ដែលកំពុងធ្វើដំណើរទៅកាន់ទ្វីបអាហ្វ្រិក។ ទូកនោះត្រូវបានអូសដោយនាវាល្បាតទៅកាន់កំពង់ផែ Recife។
ការរឹបអូសបានធ្វើឡើងបន្ទាប់ពីប្រតិបត្តិការដែលធ្វើឡើងជាបន្តបន្ទាប់ដោយកងទ័ពជើងទឹក ដើម្បីប្រយុទ្ធប្រឆាំងនឹងការដឹកជញ្ជូនគ្រឿងញៀននៅលើឆ្នេរសមុទ្ររបស់ប្រទេស។ យោងតាមកងទ័ពជើងទឹក កូកាអ៊ីនជាង ១៧តោន គ្រឿងញៀនប្រភេទ hashish ៤.៣តោន បារី ៦៩៥តោន ត្រី ១១៣.៣៤តោន កញ្ឆា ១៤តោន និងឈើ ៣.១៤៦ម៉ែត្រគូប ត្រូវបានរឹបអូសតាំងពីឆ្នាំ ២០២០៕
ប្រភព៖ អគ្គស្នងការដ្ឋាននគរបាលជាតិ
