បរទេស៖ អភិបាលក្រុងក្នុងតំបន់លោក Mahamady Sissoko បាននិយាយថា កាលពីថ្ងៃចន្ទ យ៉ាងហោចណាស់មនុស្សពីរនាក់ត្រូវបានសម្លាប់ក្នុងការបាញ់ប្រហារដោយគ្រាប់កាំភ្លើង អំឡុងពេលនគរបាល បង្ក្រាបការតវ៉ាមួយជុំវិញការងាររុករករ៉ែនៅភាគអាគ្នេយ៍ ប្រទេសសេណេហ្គាល់ ។
លោកបាននិយាយទៀតថា នគរបាលនៅក្នុងទីក្រុង Khossanto បានប្រើកងកម្លាំងតទល់នឹងក្រុមអ្នកតវ៉ា ដែលទាមទារប្រឆាំងនឹងការផ្លាស់ប្តូរច្បាប់ក្នុងតំបន់ ជុំវិញការជ្រើសរើសពលករគ្មានជំនាញ ដោយក្រុមហ៊ុនរុករករ៉ែ។
លោក Sissoko បាននិយាយតាមទូរស័ព្ទថា “មនុស្សពីរនាក់បានស្លាប់ដោយគ្រាប់កាំភ្លើង និងមនុស្ស ០៧នាក់ទៀតបានរងរបួស និងកំពុងសម្រាកព្យាបាលនៅមន្ទីរពេទ្យក្នុងតំបន់” ដោយបន្ថែមថា មនុស្សប្រមាណ ៣៧នាក់ផ្សេងទៀតត្រូវបានឃុំខ្លួន។ ប៉ុន្តែមិនអាចទាក់ទងនគរបាលភ្លាមៗ ដើម្បីសុំការអត្ថាធិប្បាយបានទេ។
នៅលើការបង្ហោះនៅលើប្រព័ន្ធផ្សព្វផ្សាយសង្គម X អង្គការលើកលែងទោសអន្តរជាតិ នៃអង្គការសិទ្ធិមនុស្សសេណេហ្គាល់ បានថ្កោលទោសចំពោះអំពើហឹង្សានេះ និងបានអំពាវនាវឲ្យមាន ការស៊ើបអង្កេត។ ដោយបានអំពាវនាវឲ្យ “កងកម្លាំងការពារ និងសន្តិសុខ ជៀសវាងការប្រើកម្លាំងហួសហេតុណាមួយប្រឆាំងនឹងក្រុមបាតុករ”៕
ប្រភព៖ អគ្គស្នងការដ្ឋាននគរបាលជាតិ
