បរទេស៖ កាលពីថ្ងៃចន្ទ អាជ្ញាធរចិនបានចេញការប្រកាសអាសន្នពណ៌លឿងសម្រាប់គ្រោះមហន្តរាយភូមិសាស្ត្រដែលអាចបង្កឡើងដោយសារភ្លៀងនៅក្នុងផ្នែកខ្លះនៃខេត្តហ៊ូណាន ខេត្តក្វាងទុង និងខេត្តក្វាងស៊ី។
ក្រសួងធនធានធម្មជាតិ និងរដ្ឋបាលឧតុនិយមចិនបានព្រមានអំពីហានិភ័យនៃគ្រោះមហន្តរាយភូមិសាស្ត្រដែលបង្កឡើងដោយសារភ្លៀងធ្លាក់នៅក្នុងតំបន់ទាំងនោះចាប់ពីម៉ោង ៨:០០យប់ថ្ងៃច័ន្ទដល់ម៉ោង ៨:០០យប់ថ្ងៃអង្គារ។
ប្រជាពលរដ្ឋត្រូវបានណែនាំឱ្យមានការប្រុងប្រយ័ត្ន ជាពិសេសនៅតំបន់ដែលមានគ្រោះថ្នាក់ដោយយថាហេតុ។
ប្រទេសចិនមានប្រព័ន្ធព្រមានអាកាសធាតុបីជាន់សម្រាប់គ្រោះមហន្តរាយភូមិសាស្ត្រ ដោយពណ៌ក្រហមតំណាងឱ្យការព្រមានធ្ងន់ធ្ងរបំផុត បន្ទាប់មកគឺពណ៌ទឹកក្រូច និងពណ៌លឿង៕
ប្រភព៖ ទីភ្នាក់ងារសារព័ត៌មានកម្ពុជា
