វេទិកានៃអង្គភាពពាក់ព័ន្ធអាស៊ាន ពិភាក្សាអំពីអនាគតប្រកបដោយចីរភាពរបស់តំបន់

បរទេស៖ កាលពីពេលថ្មីៗនេះ លេខាធិការដ្ឋានអាស៊ាន (ASEAN) បានរៀបចំវេទិកាអង្គភាពពាក់ព័ន្ធអាស៊ានលើកទី៧ ដោយប្រមូលផ្តុំដោយអ្នកតំណាងមកពីសមាគមវិជ្ជាជីវៈក្នុងតំបន់។

ថ្លែងមតិនៅក្នុងពិធីបើក អគ្គលេខាធិការរងអាស៊ានទទួលបន្ទុកកិច្ចការសហគមន៍ និងសាជីវកម្ម លោក ត្រាន ឌុកប៊ីញ (Tran Duc Binh) បានសង្កត់ធ្ងន់ថា ខណៈដែលតំបន់អាស៊ានរៀបចំសម្រាប់ចក្ខុវិស័យក្រោយឆ្នាំ២០២៥ របស់សហគមន៍អាស៊ាន ដើម្បីអភិវឌ្ឍគ្រប់ជ្រុងជ្រោយ បរិយាប័ន្ន សហគមន៍អាស៊ានឆ្ពោះទៅមុខ និងតួនាទីដែលបានរំពឹងទុករបស់អង្គភាពអាស៊ានពិតជាមានសារៈសំខាន់ណាស់។

ទន្ទឹមនឹងនេះដែរ លោក លី យូងយូង (Lee Yoong Yoong) នាយកទទួលបន្ទុកកិច្ចការសហគមន៍បានសម្តែងក្តីសង្ឃឹមថា វេទិកានេះនឹងនាំមកនូវកិច្ចសហប្រតិបត្តិការកាន់តែរឹងមាំក្នុងចំណោមភាគីពាក់ព័ន្ធទាំងអស់សម្រាប់កិច្ចខិតខំប្រឹងប្រែងកសាងសហគមន៍អាស៊ានប្រកបដោយប្រសិទ្ធភាពជាងមុន។

បច្ចុប្បន្ននេះ មានអង្គភាពចំនួន៧៧ ដែលពាក់ព័ន្ធជាមួយអាស៊ាន បានចុះបញ្ជីនៅក្នុងឧបសម្ព័ន្ធទី២ នៃធម្មនុញ្ញអាស៊ាន។ វេទិកានេះបន្តធ្វើជាវេទិកាមួយដើម្បីពង្រឹងទំនាក់ទំនងរវាង ASEAN អង្គភាព ស្ថាប័នតាមវិស័យ និងមជ្ឈមណ្ឌលពាក់ព័ន្ធអាស៊ាន៕

ប្រភព៖​ ទីភ្នាក់ងារសារព័ត៌មានកម្ពុជា