បរទេស៖ នាយករដ្ឋមន្ត្រីថៃ លោក ប្រាយុទ្ធ ចាន់អូចា (Prayut Chan-o-cha) បានទទួលការចាប់អារម្មណ៍នៅក្នុងការស្ទង់មតិថ្មីមួយស្តីពីជម្រើសកំពូលរបស់ប្រទេសថៃសម្រាប់តំណែងនាយករដ្ឋមន្ត្រី ដោយទទួលបានលទ្ធផលកៀកកិតទៅនឹងលទ្ធផលនាំមុខរបស់លោកស្រី ពែតុងតាន ស៊ីនណាវ៉ាត្រា (Paetongtarn Shinawatra) សម្រាប់ប្រជាប្រិយភាពនៅទីក្រុងបាងកក។
ការស្ទង់មតិនេះត្រូវបានធ្វើឡើងដោយ Super Poll ចាប់ពីថ្ងៃទី១៧-១៨ ខែកុម្ភៈ ហើយមានអ្នកឆ្លើយសំណួរចំនួន ១.៥៧១នាក់។
លោកស្រី ពែតុងតាន អ្នកជានយោបាយថ្មីត្រូវបានគាំទ្រដោយអ្នកឆ្លើយតបចំនួន ២៨,៥% ខណៈដែលនាយករដ្ឋមន្រ្តីថៃទទួលបានការគាំទ្រចំនួន ២៥,៧%។ នេះជាលទ្ធផលបញ្ច្រាសពីការស្ទង់មតិកាលពីលើកមុនដែលបានធ្វើចាប់តាំងពីខែកញ្ញាដោយវិទ្យាស្ថានជាតិគ្រប់គ្រងការអភិវឌ្ឍ ដោយកាលនោះលោកឧត្តមសេនីយ៍ប្រាយុទ្ធទទួលបានការគាំទ្រតិចជាងពាក់កណ្តាលនៃការគាំទ្ររបស់លោកស្រី ពែតុងតាន។
ការស្ទង់មតិដោយ Super Poll នេះបានបង្ហាញថា លោកឧត្តមសេនីយ៍ ប្រាយុទ្ធ គឺជាជម្រើសកំពូលនៅទីក្រុងបាងកក ក្នុងចំណោមអ្នកស្ទង់មតិមួយភាគបី ខណៈដែលលោកស្រី ពែតុងតាន ត្រូវបានជ្រើសរើសដោយសំឡេង ២១,៣% នៃអ្នកឆ្លើយតបនៅក្នុងរាជធានីបាងកក៕
ប្រភព៖ ក្រសួងព័ត៌មាន
