បរទេស៖ លោក អូឡេក ហ្គូរីណូវ (Oleg Gurinov) អនុប្រធានមជ្ឈមណ្ឌលរុស្ស៊ីសម្រាប់ការផ្សះផ្សានៃភាគីប្រឆាំងនៅក្នុងប្រទេសស៊ីរីបាននិយាយថា ជំនួយមនុស្សធម៌សរុបដែលមានទម្ងន់ ១០០តោនត្រូវបានបញ្ជូនពីប្រទេសរុស្ស៊ីទៅកាន់ប្រទេសស៊ីរីដែលរងគ្រោះដោយសារការរញ្ជួយដីកាលពីថ្ងៃអាទិត្យ។
លោកបាននិយាយថា «ក្នុងអំឡុងពេលថ្ងៃនោះ ប្រទេសរុស្ស៊ីបានបញ្ជូនជំនួយមនុស្សធម៌ចំនួន ១០០តោនទៅកាន់ប្រទេសស៊ីរី។ សរុបមក ជំនួយមនុស្សមនុស្សធម៌ទម្ងន់ ៣៨៩,៨តោនត្រូវបានបញ្ជូនទៅកាន់ប្រទេសស៊ីរី។ ប្រតិបត្តិការមនុស្សធម៌ត្រូវបានធ្វើឡើងនៅក្នុងតំបន់តាំងទីលំនៅរបស់អាល់-ខាហ្សានៀ តំបន់សាល់ហាប់ តំបន់ខាន់ដេក តំបន់អាល់-ហ្ការប៊ី តំបន់ស្កាល់បៀ និងតំបន់ហ៊ូរ៉ាដ អាំមូរីន នៅក្នុងអភិបាលតំបន់ហាម៉ា តំបន់អាល់-អារឃុម សាឃើរ និងតំបន់ខាលីឌីយ៉ា នៅក្នុងតំបន់អភិបាលខេត្តអាឡិបប៉ូ។ ជំនួយមនុស្សធម៌ជាស្បៀងអាហារសរុបចំនួន ២៦,៦តោនត្រូវបានចែកចាយក្នុងចំណោមប្រជាជនទាំងនោះ។
យោងតាមលោក ហ្គូរីណូវ បានឱ្យដឹងថា ក្រុមគ្រូពេទ្យយោធារុស្ស៊ី និងបេឡារុស្សនៅតែបន្តផ្តល់សេវាវេជ្ជសាស្រ្តដល់ប្រជាជនស៊ីរីដែលរងគ្រោះដោយសារការរញ្ជួយដីដ៏សាហាវនោះនៅក្នុងមន្ទីរពេទ្យទីវាល ដោយក្នុងអំឡុងពេលថ្ងៃនោះ ប្រជាជនចំនួន ១៥២នាក់បានទទួលជំនួយវេជ្ជសាស្រ្ត៕
ប្រភព៖ ក្រសួងព័ត៌មាន
