តម្លៃឧស្ម័ននៅអឺរ៉ុប បានធ្លាក់ចុះជាលើកដំបូង ក្រោយការផ្ទុះសង្គ្រាមនៅអ៊ុយក្រែន

បរទេស៖ តម្លៃឧស្ម័ននៅអឺរ៉ុបបានធ្លាក់ចុះក្រោម ១ ២០០ដុល្លារអាម៉េរិកក្នុង ១ ០០០ម៉ែត្រគូប ជាលើកដំបូងចាប់តាំងពីពាក់កណ្តាលខែមិថុនាមក។ នេះបើយោងតាម ICE របស់ទីក្រុងឡុងដ៍។

តម្លៃនាពេលអនាគតសម្រាប់ខែវិច្ឆិកានៅមជ្ឈមណ្ឌល TTF នៅក្នុងប្រទេសហូឡង់បានធ្លាក់ចុះមកនៅត្រឹម ១ ១៧៥ដុល្លារអាម៉េរិកក្នុង ១ ០០០ម៉ែត្រគូប ឬ ១១៥,៥៦អឺរ៉ូក្នុងមួយមេហ្កាវ៉ាត់ម៉ោង (ផ្អែកទៅលើអត្រាប្តូរប្រាក់អឺរ៉ូ/ដុល្លារអាម៉េរិកនាពេលបច្ចុប្បន្ន ដោយតម្លៃរបស់ ICE ត្រូវបានបង្ហាញជាអឺរ៉ូក្នុងមួយមេហ្កាវ៉ាត់ម៉ោង)។

ទុនបម្រុងឧស្ម័នរបស់សហភាពអឺរ៉ុបកំពុងខិតជិតដល់ដែនកំណត់របស់ពួកគេ ប្លុកនេះកំពុងជួបប្រទះនូវអាកាសធាតុស្រាល ហើយភាគរយជាមធ្យមនៃថាមពលខ្យល់ក្នុងការផលិតអគ្គិសនីបានកើនឡើងយ៉ាងខ្លាំង ដែលទាំងអស់នេះជាកត្តារួមចំណែកដល់ការធ្លាក់ចុះនូវតម្លៃឧស្ម័ន៕

ប្រភព៖​ ក្រសួងព័ត៌មាន