ភេរវករ ៧ នាក់ និងទាហាន ២ នាក់បានស្លាប់ ក្នុងប្រតិបត្តិការយោធានៅភាគពាយ័ព្យក្នុងប្រទេសប៉ាគីស្ថាន

បរទេស៖ កាលពីថ្ងៃអង្គារយោធាប៉ាគីស្ថានបាននិយាយថា កងកម្លាំងយោធាប៉ាគីស្ថានបានសម្លាប់ភេរវករចំនួនប្រាំពីរនាក់នៅក្នុងខេត្ត Khyber Pakhtunkhwa ភាគពាយ័ព្យរបស់ប្រទេស។

នេះបើយោងតាមការចេញ ផ្សាយដោយសារព័ត៌មាន Xinhua នៅថ្ងៃទី០៥ ខែតុលា។ ទំនាក់ទំនងសាធារណៈអន្តរសេវាកម្ម (ISPR) ដែលជាប្រព័ន្ធផ្សព្វផ្សាយរបស់យោធាប៉ាគីស្ថានបានឱ្យដឹងនៅក្នុងសេចក្តីថ្លែងការណ៍មួយថា នៅក្នុងឧប្បត្តិហេតុដំបូងភេរវករបានបើកការបាញ់ប្រហារលើក្បួនរថយន្តយោធានៅក្នុងតំបន់ Hassan Khel ក្នុងខេត្ត Peshawar ។

ISPR បាននិយាយថា “កងទ័ពបានចាប់ផ្តើមភ្លាមៗ ដោយចូលរួមយ៉ាងសកម្ម និងបានសម្លាប់ភេរវករបីនាក់” ដោយបន្ថែមថា ទាហានពីរនាក់ក៏បានបាត់បង់ជីវិតក្នុងអំឡុងពេលនៃការបាញ់ប្រហារគ្នាផងដែរ។ ISPR បានបន្តថា នៅក្នុងការជួបលើកទីពីរ បុគ្គលិកសន្តិសុខបានបាញ់សម្លាប់ភេរវករចំនួនបួននាក់បន្ថែមទៀតនៅក្នុងការបាញ់ប្រហារមួយនៅក្នុងស្រុក Tank នៃខេត្តនេះ៕

ប្រភព៖ ក្រសួងព័ត៌មាន