បរទេស៖ អ្នកនាំពាក្យក្រសួងការបរទេសសហរដ្ឋអាមេរិកបាននិយាយកាលពីថ្ងៃពុធថា សហរដ្ឋអាមេរិកនឹងបន្តរក្សាការដាក់ទណ្ឌកម្មដ៏ខ្លាំងក្លាប្រឆាំងនឹងកូរ៉េខាងជើងរហូតដល់ប្រទេសនេះកែខ្លួនឡើងវិញនូវឥរិយាបថរបស់ខ្លួន និងចូលរួមក្នុងកិច្ចសន្ទនា។
លេខាធិការសារព័ត៌មានរបស់ក្រសួងការបរទេស លោក នេដ ប្រាយស៍ បានធ្វើការកត់សម្គាល់នេះ បន្ទាប់ពីកូរ៉េខាងជើងបានបាញ់គ្រាប់មីស៊ីលពីនាវាចំនួនពីរគ្រាប់ ដែលជាការបង្ហាញពីកម្លាំងលើកទី១៩ របស់ខ្លួននៅក្នុងឆ្នាំនេះ និងជាលើកដំបូងចាប់តាំងពីខែមិថុនាមក។
អ្នកនាំពាក្យរូបនោះបាននិយាយនៅក្នុងសន្និសីទសារព័ត៌មានប្រចាំថ្ងៃថា «យើងនឹងបន្តរក្សាការដាក់ទណ្ឌកម្មទាំងនោះរហូតការប្រព្រឹត្តិជាក់ស្តែង និងសកម្មភាពមូលដ្ឋានមានការផ្លាស់ប្តូរ ហើយកូរ៉េខាងជើងផ្លាស់ប្តូរវិធីសាស្រ្តជាមូលដ្ឋានរបស់ខ្លួន»។
លោក ប្រាយស៍ ក៏បានបញ្ជាក់សារជាថ្មីនូវការប្តេជ្ញាចិត្តរបស់សហរដ្ឋអាមេរិកចំពោះកិច្ចការពារប្រទេសកូរ៉េខាងត្បូង និងសម្ព័ន្ធមិត្តផ្សេងទៀតរបស់សហរដ្ឋអាមេរិកនៅក្នុងតំបន់។
លោក ប្រាយស៍ បាននិយាយថា «ការប្តេជ្ញាចិត្តរបស់យើងចំពោះមុខនៃការបន្តបង្កហេតុរបស់កូរ៉េខាងជើងចំពោះសន្តិសុខនៃសម្ព័ន្ធមិត្តរបស់យើង ដែលរួមទាំងកូរ៉េខាងត្បូង និងជប៉ុន»។
«រហូតដល់ និងលុះត្រាតែកូរ៉េខាងជើងផ្លាស់ប្តូរវិធីសាស្រ្តរបស់ខ្លួន ហើយទទួលយកការផ្តល់ជូនរបស់យើងនូវកិច្ចសន្ទនាប្រកបដោយប្រសិទ្ធភាព ជាក់ស្តែង និងការទូត ដែលនាំទៅរកគោលដៅចុងក្រោយនៃការរំសាយអាវុធនុយក្លេអ៊ែរពេញលេញនៃឧបទ្វីបកូរ៉េនោះ យើងនឹងបន្តសម្របសម្រួលយ៉ាងជិតស្និទ្ធជាមួយសម្ព័ន្ធមិត្តរបស់យើង ប៉ុន្តែក៏ដើម្បីធានាថា កូរ៉េខាងជើងមានទំនួលខុសត្រូវចំពោះការបន្តបង្កហេតុរបស់ខ្លួន»៕
ប្រភព៖ ក្រសួងព័ត៌មាន
