បរទេស៖ យោងតាមកាលវិភាគការងាររបស់លោកប្រធានាធិបតីសហរដ្ឋអាមេរិកដែលចេញផ្សាយដោយសេតវិមានកាលពីថ្ងៃចន្ទបានឱ្យដឹងថា ប្រធានាធិបតីសហរដ្ឋអាមេរិក លោក ចូ បៃដិន នឹងចុះហត្ថលេខាលើពិធីសារចូលជាសមាជិកនៃអង្គការសន្ធិសញ្ញាអាត្លង់ទិកខាងជើង (អង្គការណាតូ) របស់ប្រទេសស៊ុយអែត និងហ្វាំងឡង់ នៅថ្ងៃអង្គារ ទី៩ ខែសីហា ។
សេចក្តីថ្លែងការណ៍នោះបានកត់សម្គាល់ថា «នៅពេលរសៀល ប្រធានាធិបតីរូបនេះនឹងថ្លែងសុន្ទរកថា និងចុះហត្ថលេខាលើឧបករណ៍នៃការផ្តល់សច្ចាប័នសម្រាប់ពិធីសារចូលជាសមាជិកនៃអង្គការសន្ធិសញ្ញាអាត្លង់ទិកខាងជើង (អង្គការណាតូ) សម្រាប់សាធារណរដ្ឋហ្វាំងឡង់ និងរាជាណាចក្រស៊ុយអែត»។ ពិធីនេះចាប់ផ្តើមនៅម៉ោង២១:០០ ម៉ោងនៅទីក្រុងមូស្គូ៕
ប្រភព៖ ក្រសួងព័ត៌មាន
