បរទេស៖ នេះបើយោងតាមការចេញផ្សាយរបស់សារព័ត៌មានរុស្ស៊ី RT នៅថ្ងៃទី៧ ខែសីហា ឆ្នាំ២០២២ បានអោយដឹងថារដ្ឋមន្ត្រីការបរទេសអាមេរិក លោក Antony Blinken បានទៅបំពេញទស្សនកិច្ចនៅទីក្រុងម៉ានីល ដើម្បីជួបជាមួយមេដឹកនាំដែលទើបជាប់ឆ្នោតថ្មីរបស់ប្រទេសហ្វីលីពីន និងបានធានាដល់គាត់នូវការគាំទ្រយ៉ាងពេញទំហឹងពីទីក្រុងវ៉ាស៊ីនតោន ចំពោះមុខសកម្មភាព “អស្ថិរភាព និងគ្រោះថ្នាក់” របស់ប្រទេសចិន បន្ទាប់ពីការធ្វើដំណើររបស់ប្រធានសភាអាមេរិក Nancy Pelosi ទៅកាន់កោះតៃវ៉ាន់។
ក្នុងនោះលោក Blinken បាននិយាយនៅក្នុងសន្និសីទសារព័ត៌មានរួមគ្នាជាមួយសមភាគីហ្វីលីពីនរបស់គាត់គឺលោក Enrique Manalo កាលពីថ្ងៃសៅរ៍ថា សន្ធិសញ្ញាការពារទៅវិញទៅមកឆ្នាំ ១៩៥១ រវាងទីក្រុងវ៉ាស៊ីនតោន និងទីក្រុងម៉ានីលនៅតែរឹងមាំដូចជា “ដែក”៕
