បរទេស៖ នេះបើយោងតាមការចេញផ្សាយរបស់សារព័ត៌មាន RT របស់រុស្ស៊ីកាលពីថ្ងៃទី១ ខែសីហា ឆ្នាំ២០២២ បានអោយដឹងថាប្រធានាធិបតីអាមេរិកលោក Joe Biden បានបញ្ជូនអាវុធក្នុងទំហំទឹកប្រាក់ប្រមាណ ៥៥០ លានដុល្លារទៅកាន់ប្រទេសអ៊ុយក្រែន ដែលភាគច្រើនដើម្បីបំពេញស្តុកគ្រាប់រ៉ុក្កែត HIMARS ដែលក្រុងគៀវបានចាត់ទុកថា អាវុធនេះជា “អ្នកផ្លាស់ប្តូរហ្គេម” នៅក្នុងជម្លោះរបស់ខ្លួនជាមួយរុស្ស៊ី។
អ្នកនាំពាក្យក្រុមប្រឹក្សាសន្តិសុខជាតិអាមេរិក លោក John Kirby បានប្រាប់អ្នកយកព័ត៌មាននៅក្នុងសន្និសីទសារព័ត៌មានមួយនៅសេតវិមានកាលពីថ្ងៃសុក្រ ថា ការបញ្ជូនអាវុធចុងក្រោយបំផុតសម្រាប់អ៊ុយក្រែនត្រូវបានអនុម័តដោយលោក Bidenក្រោមអ្វីដែលហៅថា “Drawdown Authority” ។ កញ្ចប់ជំនួយថ្មីនេះនឹងរួមបញ្ចូលនៅគ្រាប់រ៉ុក្កែត High Mobility Artillery Rocket System (HIMARS) និងគ្រាប់កាំភ្លើងធំ ១៥៥ មីលីម៉ែត្រផងដែរ៕
