កីឡាករ Liverpool ចំនួនប្រាំបីនាក់ត្រូវបានគេរាយការណ៍ថា អាចខកខានការប្រកួតបើកឆាករដូវកាល Premier League 2022-23 របស់ក្លឹបជាមួយនឹងក្រុម Fulham ។
ហង្សក្រហមនឹងធ្វើដំណើរទៅកាន់ទឹកដី Craven Cottage ដើម្បីជួបជាមួយក្រុមរបស់លោក Marco Silva នៅថ្ងៃសៅរ៍ទី 6 ខែសីហានេះ។ ទោះជាយ៉ាងណាក៏ដោយ ពួកគេអាចនឹងអវត្តមានកីឡាករមួយចំនួន រួមទាំងកីឡាករជម្រើសដំបូងពីរបីនាក់ នេះបើយោងតាមការចេញផ្សាយរបស់ Liverpool World ។
កីឡាករទាំងប្រាំបីនាក់ ដែលរបួសរួមមាន៖ Alisson Becker, Kelleher, Diogo Jota, Naby Keita, Curtis Jones, Alex Oxlade-Chamberlain, Kostas Tsimikas និង Ibrahima Konate៕
