បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៥ ខែមេសា ឆ្នាំ២០២២ បានអោយដឹងថាទីភ្នាក់ងារព័ត៌មាន Reuters បានរាយការណ៍កាលពីថ្ងៃចន្ទថា រដ្ឋាភិបាលអាល្លឺម៉ង់នឹងសម្រេចចិត្តក្នុងពេលឆាប់ៗនេះថាតើត្រូវយល់ព្រមលើការប្រគល់រថយន្តប្រយុទ្ធថ្មើរជើង Marder ចំនួន ១០០គ្រឿងទៅកាន់ប្រទេសអ៊ុយក្រែនដែរឬទេ។ ការដឹកជញ្ជូន ដែលនឹងក្លាយជាគ្រឿងសព្វាវុធធុនធ្ងន់ដំបូងបង្អស់របស់ប្រទេសអាឡឺម៉ង់ ដែលត្រូវបានប្រគល់ទៅឱ្យទីក្រុងគៀវ ត្រូវបានពន្យារពេលដោយភាពមិនច្បាស់លាស់របស់រដ្ឋាភិបាល និងឧបសគ្គផ្នែកច្បាប់។
ទីភ្នាក់ងារព័ត៌មាន Reuters បានរាយការណ៍ដោយដកស្រង់ប្រភពមួយនៅក្នុងឧស្សាហកម្មការពារជាតិអាល្លឺម៉ង់។ ប្រភពរដ្ឋាភិបាលមួយផ្សេងទៀតបានប្រាប់ទីភ្នាក់ងារនេះថា ការសម្រេចចិត្តនឹងមកពីទីក្រុងប៊ែរឡាំងក្នុងពេលឆាប់ៗនេះ។
