បរទេស៖ ប្រធានក្រុមប្រឹក្សាអឺរ៉ុប លោក Charles Michel បានទៅដល់រដ្ឋធានីគៀវរបស់ប្រទេសអ៊ុយក្រែនហើយកាលពីថ្ងៃពុធ ដោយលោកបានសរសេរនៅលើគណនីបណ្តាញសង្គម Twitter របស់លោក។
លោក Michel បានសរសេរដោយភ្ជាប់រូបថតមួយសន្លឹកដែលបានថតនៅស្ថានីយ៍រថភ្លើងមួយថា «នៅក្នុងទីក្រុងគៀវថ្ងៃនេះ (ថ្ងៃពុធ)»។
យោងទៅតាម EC បានឱ្យដឹងថា បន្ទាប់ពីការចាប់ផ្តើមប្រតិបត្តិការយោធាពិសេសរបស់រុស្ស៊ីនៅអ៊ុយក្រែនកាលពីថ្ងៃទី២៧ ខែកុម្ភៈ គណៈកម្មការអឺរ៉ុប (EC) បានរៃអង្គាសថវិកាចំនួន ៩០លានអឺរ៉ូដើម្បីជួយដល់អ៊ុយក្រែន និងបណ្តាប្រទេសជិតខាង។ អ៊ុយក្រែនក៏ត្រូវបានផ្តល់ជូននូវសព្វាវុធ រួមទាំងអាវុធប្រល័យលោក និងគ្រាប់រំសេវតាមរយៈសហភាពអឺរ៉ុប និងប្រទេសមួយចំនួននៅសហភាពអឺរ៉ុបផងដែរ។ នៅពេលមុននេះ ទីក្រុងប្រ៊ុចសែលបានរាយការណ៍ថា សហភាពអឺរ៉ុបបានត្រៀមថវិកាចំនួន ១,៥ប៊ីលានអឺរ៉ូរួចរាល់ហើយពីថវិកាអឺរ៉ុបសម្រាប់ការផ្តល់សម្ភារៈយោធា និងសព្វាវុធដល់អ៊ុយក្រែន៕
ប្រភព៖ ក្រសួងព័ត៌មាន
