បរទេស៖ នេះបើយោងតាមការចេញផ្សាយរបស់សរព័ត៌មាន RT នៅថ្ងៃទី១៦ ខែមេសា ឆ្នាំ២០២២ បានអោយដឹងថាបេក្ខជនប្រធានាធិបតីបារាំងលោកស្រី Marine Le Pen បាននិយាយនៅក្នុងបទសម្ភាសន៍ជាមួយទូរទស្សន៍ BFM TV ថា សហរដ្ឋអាមេរិកគួរតែផ្តល់សំណងដល់ប្រទេសបារាំងសម្រាប់ការខាតបង់ ប្រសិនបើសហភាពអឺរ៉ុបហាមឃាត់ក្រុមហ៊ុនដឹកជញ្ជូនថាមពលរុស្ស៊ី។
លោកស្រី Marine Le Pen បាននិយាយថា “ជនជាតិអាមេរិកដែលនឹងលក់ឧស្ម័នរាវឱ្យយើង ហើយទទួលបានប្រាក់ចំណេញដ៏ច្រើនពីវា គួរតែផ្ទេរប្រាក់នោះទៅប្រទេសបារាំងជាសំណងសម្រាប់ការដាក់ទណ្ឌកម្មប្រឆាំងនឹងរុស្ស៊ី”។ ដោយកត់សម្គាល់ថាទីក្រុងវ៉ាស៊ីនតោនកំពុងដាក់សម្ពាធឱ្យសហភាពអឺរ៉ុបដាក់ទណ្ឌកម្មក្រុមហ៊ុនដឹកជញ្ជូនថាមពលរុស្ស៊ី។ ប្លុកនេះបានដាក់ទណ្ឌកម្មជាច្រើនទៅលើប្រទេសរុស្ស៊ី បន្ទាប់ពីក្រុងម៉ូស្គូបានបើកប្រតិបត្តិការយោធាក្នុងប្រទេសអ៊ុយក្រែន៕
