បរទេស៖ នេះបើយោងតាមការចេញផ្សាយរបស់សារព័ត៌មាន RT កាលពីថ្ងៃទី១១ ខែមេសា ឆ្នាំ២០២២ បានអោយដឹងថាអគ្គលេខាធិការ OPEC លោក Mohammed Barkindo បានព្រមានមន្ត្រីសហភាពអឺរ៉ុបកាលពីថ្ងៃចន្ទ ដោយបន្ថែមថា វានឹងមិនអាចជំនួសនៅបរិមាណប្រេងរុស្ស៊ីដែលបាត់បង់បាននោះទេ។ លោក Mohammed Barkindo បានអះអាងថា ប្រេងរុស្ស៊ីប្រហែល ៧លានបារ៉ែលក្នុងមួយថ្ងៃកំពុងដកចេញពីទីផ្សារពិភពលោក ដោយសារតែការដាក់ទណ្ឌកម្ម និងការរឹតបន្តឹងផ្សេងទៀតលើការជួញដូររបស់រុស្ស៊ី។
មន្ត្រីអង្គការ OPEC ក៏បានប្រាប់ EU ថា ភាពប្រែប្រួលនាពេលបច្ចុប្បន្ននៅក្នុងទីផ្សារប្រេងគឺដោយសារតែ “កត្តាមិនមែនមូលដ្ឋាន” លើសពីការគ្រប់គ្រងរបស់ OPEC ហើយថាវាជាទំនួលខុសត្រូវរបស់ EU ក្នុងការលើកកម្ពស់វិធីសាស្ត្រ “ជាក់ស្តែង” ចំពោះការផ្លាស់ប្តូរថាមពល៕
