បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១០ ខែមេសា ឆ្នាំ២០២២ បានអោយដឹងថាប្រធានាធិបតីបារាំងលោក Emmanuel Macron និងលោកស្រី Marine Le Pen បានកំណត់នឹងជួបគ្នាក្នុងដំណាក់កាលសម្រាប់ការតស៊ូមាតិទល់មុខគ្នាដើម្បីកំណត់តំណែងប្រធានាធិបតីនៅចុងខែនេះ បន្ទាប់ពីអ្នកទាំង២ បានឈ្នះក្នុងការបោះឆ្នោតជុំទីមួយកាលពីថ្ងៃអាទិត្យ។
ការព្យាករណ៍បោះឆ្នោតបានបង្ហាញថាលោក Macron ទទួលបានសំឡេងគាំទ្រច្រើនដល់ទៅ ២៨,៤% នៃសំឡេងឆ្នោតជុំទីមួយ ដោយឡែកលោកស្រី Marine Le Pen ទទួលបាន ២៤,២% ។ បេក្ខជនមកពីបក្សសង្គមនិយម លោក Jean-Luc Mélenchon ជាប់ចំណាត់ថ្នាក់លេខ៣ ទទួលបានសម្លេងឆ្នោតប្រហែល ២១% ខណៈបេក្ខជនមកពីបក្សប្រឆាំងលោក Eric Zemmour បានបញ្ចប់ក្នុងចំណាត់ថ្នាក់ទី៤ នៅក្រោយគេ ៧%។
លទ្ធផលផ្លូវការដំបូងពីក្រសួងមហាផ្ទៃរបស់ប្រទេសបារាំងពិតជាបានបង្ហាញពីចំនួនរបស់លោក Le Pen លើសពីលោក Macron ។ ទោះជាយ៉ាងណាក៏ដោយ ជាមួយនឹងលទ្ធផលនៅទីក្រុងប៉ារីស និងតំបន់ទីក្រុងផ្សេងទៀតមិនទាន់មាននៅឡើយ។ ជាមួយនឹង ៨៤% នៃសន្លឹកឆ្នោតដែលបានរាប់ត្រឹមពេលនៃការចេញផ្សាយរនេះ លោក Macron បាននាំមុខបន្តិចជាមួយនឹង ២៧.៤១% ទល់នឹង ២៥.៤១% របស់លោកស្រី Le Pen៕
