បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១ ខែមេសា ឆ្នាំ២០២២ បានអោយដឹងថា ក្រុមហ៊ុនថាមពលរុស្ស៊ី Gazprom បានបញ្ជាក់កាលពីថ្ងៃសុក្រថា ខ្លួនបានបញ្ជូនឧស្ម័នកាន់តែច្រើន ដែលលើសការគ្រោងទុកទៅកាន់ប្រទេសចិនតាមរយៈបំពង់បង្ហូរ Power of Siberia។ ការនាំចេញនេះ គឺជាផ្នែកមួយនៃកិច្ចសន្យារវាងក្រុមហ៊ុន Gazprom និងសាជីវកម្មប្រេងជាតិចិន (CNPC) នេះបើយោងតាមរបាយការណ៍របស់ក្រុមហ៊ុនស្តីពីលទ្ធផលត្រីមាសទីមួយ។
ក្រុមហ៊ុន Gazprom បាននិយាយកាលពីថ្ងៃសុក្រនៅលើ Telegram ថា “ក្រុមហ៊ុន Gazprom បន្តផ្គត់ផ្គង់ឧស្ម័នស្របតាមសំណើរបស់អ្នកប្រើប្រាស់ក្នុងការអនុលោមតាមកាតព្វកិច្ចកិច្ចសន្យា”។ ក្រុមហ៊ុនបានបន្ថែមថា “ការផ្គត់ផ្គង់ឧស្ម័នទៅប្រទេសចិនកំពុងកើនឡើងតាមរយៈបំពង់បង្ហូរឧស្ម័ន Power of Siberia ក្រោមកិច្ចសន្យារយៈពេលវែងទ្វេភាគីរវាងក្រុមហ៊ុន Gazprom និងសាជីវកម្មប្រេងជាតិចិន”៕
