បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១ ខែមេសា ឆ្នាំ២០២២ បានអោយដឹងថា សភានៃប្រទេសឡាតវីបានអនុម័តច្បាប់ហាមឃាត់ការបង្ហាញអក្សរ “Z” និង “V” ជាសាធារណៈដោយនិយាយថានិមិត្តសញ្ញាដែលប្រើប្រាស់ដោយកងទ័ពរុស្ស៊ីក្នុងប្រទេសអ៊ុយក្រែនតំណាងឱ្យការលើកតម្កើងការឈ្លានពាន និងឧក្រិដ្ឋកម្មសង្គ្រាម។ អតីតសាធារណរដ្ឋសូវៀត ដែលឥឡូវជាសមាជិកសហភាពអឺរ៉ុប និងអង្គការណាតូ បានធ្វើសកម្មភាពបន្ទាប់ក្រោយពីរដ្ឋាភិបាលក្នុងទីក្រុងគៀវ បានអំពាវនាវឲ្យមានការចាប់ដាក់ទោសលើនិមិត្តសញ្ញានេះ។
សភាបានប្រើនីតិវិធីបន្ទាន់ដើម្បីបោះឆ្នោតកាលពីថ្ងៃព្រហស្បតិ៍លើវិសោធនកម្មដែលហាមឃាត់ការបង្ហាញ “ការឈ្លានពានយោធា និងឧក្រិដ្ឋកម្មសង្គ្រាម” នៅក្នុងព្រឹត្តិការណ៍សាធារណៈ៕
