បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣១ ខែមីនា ឆ្នាំ២០២២ បានអោយដឹងថា ក្រសួងការបរទេសអាមេរិកបានបញ្ជាក់កាលពីថ្ងៃព្រហស្បតិ៍ថា ជនជាតិអាមេរិកទាំងអស់ដែលកំពុងនៅក្នុងប្រទេសរុស្ស៊ី និងអ៊ុយក្រែនគួរតែចាកចេញភ្លាមៗ។
អ្នកនាំពាក្យក្រសួងការបរទេសអាមេរិកលោក Ned Price បានប្រកាសនៅក្នុងសន្និសីទសារព័ត៌មានប្រចាំថ្ងៃនៅ Foggy Bottom ថា “ពលរដ្ឋអាមេរិកទាំងអស់នៅក្នុងប្រទេសរុស្ស៊ី និងអ៊ុយក្រែនគួរតែចាកចេញជាបន្ទាន់” ។
លោក Ned Price បាននិយាយថា ការណែនាំអំពីការធ្វើដំណើររបស់សហរដ្ឋអាមេរិកត្រូវបានធ្វើបច្ចុប្បន្នភាពដើម្បីឆ្លុះបញ្ចាំងពី “របាយការណ៍” ដែលមន្ត្រីសន្តិសុខរុស្ស៊ី “បានបណ្តេញចេញ និងឃុំខ្លួន” ពលរដ្ឋអាមេរិក ទាំងនៅក្នុងប្រទេសអ៊ុយក្រែន និងនៅក្នុងប្រទេសរុស្ស៊ី៕
