បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៩ ខែមីនា ឆ្នាំ២០២២ បានអោយដឹងថាទីក្រុង Ottawa នឹងចរចាជាមួយក្រុមហ៊ុនអាកាសចរណ៍យក្ស Lockheed Martin ដែលមានមូលដ្ឋាននៅសហរដ្ឋអាមេរិកសម្រាប់ការទិញយន្តហោះ F-35 ចំនួន ៨៨គ្រឿង នេះបើតាមមន្ត្រីកាណាដាបានប្រកាសនៅក្នុងសន្និសីទសារព័ត៌មានកាលពីថ្ងៃចន្ទ។
កិច្ចព្រមព្រៀងនេះមានតម្លៃ ១៩ពាន់លានដុល្លារកាណាដា (១៥.២ពាន់លានដុល្លារអាមេរិក) ដោយរដ្ឋាភិបាលកំណត់ថាវាសព្វាវុធបន្ថែមទៅលើរបស់ដែលមានស្រាប់។ វាគឺជាចំណុចកំពូលនៃដំណើរការរយៈពេល ១២ឆ្នាំ ដែលកាណាដាបានស្វែងរកទិញនៅយន្តហោះថ្មី ដើម្បីមកជំនួសយន្តហោះ CF-18 ដែលហួសសម័យរបស់ខ្លួន៕
