បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៨ ខែមីនា ឆ្នាំ២០២២ រដ្ឋមន្ត្រីថាមពលអាល្លឺម៉ង់លោក Robert Habeck បានអោយដឹងថាក្រុមប្រទេស G7 បានសម្រេចព្រមព្រៀងរួមគ្នាធ្វើការបដិសេធ ចំពោះការទាមទាររបស់ទីក្រុងម៉ូស្គូក្នុងការទូទាត់ថ្លៃនាំចូលឧស្ម័នពីប្រទេសរុស្ស៊ីគិតជាប្រាក់ “រូប”។
រដ្ឋមន្ត្រីថាមពលអាល្លឺម៉ង់លោក Robert Habeck បានប្រាប់អ្នកកាសែតកាលពីថ្ងៃច័ន្ទថា “រដ្ឋមន្ត្រី G7 ទាំងអស់បានយល់ព្រមទាំងស្រុងថា នេះគឺជាការបំពានតែម្ខាង និងច្បាស់លាស់នៃកិច្ចសន្យាដែលមានស្រាប់” ។
រដ្ឋមន្ត្រីរូបនេះបានបន្ថែមថា “ការទូទាត់ជាប្រាក់រូបមិនអាចទទួលយកបានទេ” ហើយថា ប្រជាជាតិនានានឹងជំរុញឱ្យក្រុមហ៊ុនដែលរងផលប៉ះពាល់ “កុំធ្វើតាម”អ្វីដែលប្រធានាធិបតីរុស្ស៊ីលោក វ្ល៉ាឌីមៀ ពូទីន បានបញ្ជាក់កាលពីសប្តាហ៍មុន៕
