បរទេស៖ កីឡាករ Gareth Bale មិនទាន់សម្រេចចិត្តអំពីអនាគតខ្លួននៅឡើយទេ នេះបើយោងតាមការបញ្ជាក់របស់ភ្នាក់ងាររបស់គាត់។ ខណៈពេលដែលខ្សែប្រយុទ្ធសញ្ជាតិវែលរូបនេះ នឹងក្លាយជាកីឡាករគ្មានតម្លៃខ្លួននៅ Real Madrid ស្របពេលដែលខ្លួននឹងត្រូវទៅប្រកួត World Cup ២០២២។
លោក Jonathan Barnett ភ្នាក់ងាររបស់ Bale បានប្រាប់ The Telegraph ថា Gareth មិនទាន់ដឹងថានឹងមានអ្វីកើតឡើងនៅរដូវក្តៅខាងមុខនោះទេ។ វាសម្រេចទៅលើប្រទេសវែល។ ពួកយើងមិនទាន់ពិភាក្សាជាមួយក្លឹបណានៅឡើយទេ។ ពួកយើងនឹងធ្វើការសម្រេចចិត្តម្តងទៀតនៅខែមិថុនា”៕
